Кои се најскапите лустери во светот?

Еден од најважните детали кои го оплеменуваат, разубавуваат и секако го осветлуваат секој простор за живеење или работа се лустерите. 

Постојат огромен број на различни дизајни, од наједноставни до футуристички, изработени од секаков тип на материјали и достапни се во сите големини, форми и бои. Идеалниот избор секогаш зависи од просторот во кој треба да се постави и стилот на уредување кој треба да го надополнат.

Прашањето е колкав буџет би издвоиле за овој елемент во просторот?

Колку и да звучи неверојатно, постојат луксузни лустери кои чинат многу повеќе од сумата која би требало да се издвои за да се купи цел нов дом. Цените дури се движат над милион долари.

Сепак се работи за лустери кои не се направени во поново време, туку се создадени пред неколку векови и дел од нив припаѓале на познати историски личности. Тоа придонесува и за зголемување на нивната вредност.

Најчесто се чуваат во музеи и се користат за украсување на сали за свечености, а некои од нив ги красат дневните соби на богатите луѓе.

Погледнете како изгледаат и колку чинат трите најскапите лустери во светот:

Првиот на листата е Givenchy Royal Hanover - лустерот кој чини неверојатни 9 милиони долари.

Вториот лустер е дел од колекцијата на француски аристократ Барон Де Реде и чини 1.7 милиони долари.

Третиот лустер исто така припаѓа на Барон Де Реде, а неговата цена е 1.47 милиони долари.

Е. А. | Црнобело