Музика, огромни екрани и живи бои: Добредојдовте во светот на Ван Гог
Би сакале ли да патувате во светот на Ван Гог, меѓу неговите брилијантни идеи, чувства и опсесии?
Уметничкиот перформанс насловен „Van Gogh Alive“ сега ви го овозможува токму тоа.
Со над 3000 слики добиени од најпознатите дела на познатиот сликар, во Рим е поставена една малку поинаква изложба.
Со цел да се доближи уметноста и културата до секојдневниот човек оваа иновативна изложба всушност ги претставува познатите дела на Ван Гог на огромни екрани кои се поставени на Палацо дељи Есами.
Освен екраните дополнителните прожектори ги претставуваат делата низ целиот простор, почнувајќи од самите ѕидовите на зградите, столбовите, дури и по самите улици.
Сите тие бои и светла се одлично надополнети од музиката на Вивалди, Лало, Шуберт, Бах, Хендл, со цел на посетителите да им се овозможи целосно уживање во уметноста.
Изложбата е предвидена да трае до 26 март 2017 година па, ако Рим е дел од вашата агенда за патувања, задолжително најдете време да ја посетите оваа несекојдневна изложба.
М. С. | Црнобело