Кои две бои ви ја подобруваат концентрацијата додека учите?

Имате потешкотии да се концентрирате за време на учењето или додека работите? Време е за промена во просторот, кој подразбира бојадисување на ѕидовите.

Според истражување на „Science Network WA“ од Австралија, собите бојадисани во „живи“ бои ја зголемуваат концентрацијата, особено црвената и жолтата.

Живописните бои имаат моќ да ја разбудат поспаноста и да ве натераат полесно да се фокусирате на материјалот.

За учесниците во истражувањето биле обезбедени 6 соби во различни бои.

На истите им бил прочитан одреден пасус, а потоа ги прашувале различни прашања поврзани со материјалот.

Оние испитаници во жолтата и црвената соба дале најмногу точни одговори.

2/3 од нив сметале дека црвената боја е лош избор за работна просторија, мислејќи дека собите во пастелни бои ќе им ја зголемат концентрацијата поради смиреноста која ја нудат.

Сепак, релаксираноста и смиреноста не им помагаат на студентите да бидат „на штрек“, внимателни и активни. Живописните силни бои стимулираат поголема неврална активност на мозокот, заклучува истражувањето.

(О)Милена | Црнобело