Влезете во надреалниот свет на Салвадор Дали (видео)
Тој е еден од најпознатите уметници на надреализмот, а благодарени на напредната технологија сега можете и сами да станете дел од неговиот надреалниот свет влегувајќи во самото уметничко дело.
Секако зборуваме за Салвадор Дали и неговите ремек-дела пред кои се поклонува целото човештво.
Музејот „Дали“ сместен во Сент Питерсбург, Флорида, сега ви нуди уникатна можност да доживеете едно несекојдневно искуство и да станете дел од надреалниот свет на Дали.
Сè што треба да направите е да ги ставите 3Д очилата и веднаш пред вас ќе се појави сликата „Archeological Reminiscence of Millet's Angelus“, каде благодарени на анимациите на Волт Дизни главните протагонисти оживуваат и ве водат низ специфичниот пејзаж од напуштена пустина, во самракот на безвременскиот сон.
М. С. | Црнобело