Кога немате клима уред: 3 начини брзо и лесно да се оладите со вентилатор

Летните месеци знаат да бидат ужасен период поради тропските температури. Денес, летните месеци станаа незамисливи без клима уреди кои го олеснуваат работниот ден и помагаат при заспивање.

Но, нив можеме и да ги злоупотребиме бидејќи внатрешниот простор не смее да биде поладен од 9 степени во однос на надворешниот.  Плус тоа, исто како што греењето во зимa, така и ладењето во лето ги зголемува сметките за струја.

Ако сакате да ги намалите сметките за струја, или пак воопшто немате клима уред, тогаш овие 3 совети со помош на вентилатор ќе ве оладат во само неколку минути:

1. Пред вентилаторот поставете широк и плиток сад и наполнете го со коцки мраз

Овој трик ќе ви помогне така што воздухот кој се вее од вентилаторот ќе биде поладен од воздухот на собна температура. А, свежината ќе трае додека не се истопи мразот.

2. Или пак можете да ставите замрзнато шише со вода.

Ќе го постигнете истиот ефект.

3. Во крпа ставете коцки мраз, завиткајте ги за мразот да остане внатре и крпата врзете ја помеѓу две столици

Вентилаторот насочете го кон крпата за да го разладите воздухот. Кај ваквото разладување, потребно е да поставите сад под крпата, поради растопување на мразот. 

С. С. | Црнобело