106-годишна женичка танцува од радост откако ги запознава Барак и Мишел Обама
106-годишната Вирџинија МекЛорин добила можност да влезе во Белата куќа и да се сретне со претседателот Барак Обама, а целата ситуација се претвора во забава со танцување.
Истиот момент кога го гледа претседателот на Америка таа со широка насмевка започнува возбудено да танцува.
„Дојди да се поздравиш со Мишел“ - ѝ вели Барак на старата женичка, објаснувајќи и на Мишел дека таа има 106 години.
„Не, немаш 106 години! Сакам да бидам како тебе кога ќе остарам“ - ѝ вели Мишел на женичката која враќа со „Можеш ако сакаш“ и повторно се разигрува.
Која е тајната на високата енергија дури и на 106 години? Женичката објаснува дека тајната е во постојаното движење.
Н. Г. | Црнобело