Каква боја за спалната?

Изборот на бои во спалната соба треба да ви создаде простор каде ќе уживате. Спалната соба е место каде можеме да се опуштиме и да одмориме. Кои бои...

 

...се во моментов во тренд за вашето катче? Зелената и кафената се класична комбинација која е секогаш ин. Ова се одлични нијанси затоа што даваат чувство на топлина и пријатност.

Сите сакаме да се чувствуваме удобно кога ќе си легнеме нели?

Сепак, мора да бидете внимателни кога ќе ги одбирате тоновите на зелената боја. Треба да делуваат лесно и свежо, а не тмурно и темно.

Експертите за уредување ја препорачуваат и комбинацијата од зелени и сини тонови. Сината секогаш делува релаксирачки затоа што се поврзува со чистота и вода.

Розевата исто така може да биде одличен избор за спалната соба. Таа е честопати прв избор кај женскиот пол. Зошто ако сте во тренд со облеката, да не бидете во тренд и во домот? Нема ништо лошо во розево обоена соба. Како ќе проаѓа времето нијансите ќе избледуваат и би било убаво да ја искомбинирате со бела и крем.

Виолетовата боја на лаванда дава чувство на мир. Затоа и таа спаѓа во боите кои можете да ги искористите за вашата спална соба.

Изберете си ја својата комбинација, бидете во тренд, но задолжително посветете внимание на уредувањето на собата која ви овозможува релаксација и уживање.