Древната Атлантида, мит или реалност?

Најпознатиот опис на Атлантида за прв пат го дава грчкиот филозоф Платон. Тој пишувал за цивилизација која се наоѓала на остров и се нарекувала Атлантида. Пропаднала во 10-от милениум п.н.е.

Според Платон овој голем остров – континент имал површина од 154.000 квадратни километри и 20 милиони жители. Земјата изобилувала со топли извори, плодни рамници и канали. За богатството на Атлантда зборува и фактот дека градот бил опкружен со високи бронзени ѕидови покриени со злато и сребро.

Повеќето научници претпоставуват дека Атлантида се наоѓала на медитеранскиот остров, порано познат како Тера, чиј опис неверојатно се поклопува со описот на Платон. Она што останало од Тера денес е островот Санторини.

Островот Тера бил уништен во 1.500 година п.н.е. од силна експлозија. Со Тера исчезнала и високо развиената минојска култура за која модерната наука знае малку. Од малку информации кои се познати, може да се заклучи дека техничкото и цивилизациското ниво на Тера било многу високо.

Ископувањата покажале дека архитектурата била на повисоко ниво од било каде во светот, а населените места имале комплексен систем за канализација.

Жителите на Тера имале бродови со кои можеле да пловат до сите дестинации во Медитеранот. Како и жителите на Атлантида, жителите на Тера го почитувале бикот како божество. Дури и описот на колапсот на Атлантида, опишан од Платон е идентичен со оној кој се случил на Тера. Тера исчезнала за еден ден и една ноќ кога вулканскиот остров буквално експлодирал по земјотресот.

Дали новите теории и истражувања ќе го решат прашањето за постоењето на Атлантида, или сепак само се работи за познат мит, треба да дознаеме. 

М. А. | Црнобело