Науката потврди: Сосема е во ред сите пари да ги потрошите на патување

Клучот на среќата се крие во искуствата, не во материјалните работи. Барем така вели едно неодамнешно истражување направено од страна на Универзитетот  Корнел во Њујорк.

Истражувањето направено од страна на психологот Томас Гилович кое траело цели две децении покажува дека најважни се разликите меѓу искуствата и средствата кои ги поседуваме.

„Купуваме работи за да се усреќиме и тоа ни успева, но на кратко. Новите работи се интересни на почетокот, но брзо се навикнуваме на нив. Од друга страна, среќата која ја чувствуваме кога ќе пробаме нешто ново со текот на времето се засилува, бидејќи тие искуства стануваат дел од нас и го градат нашиот идентитет“ – објаснува Гилович.

Едноставно кажано, новата маица која ќе ја пробаме сè на сè двапати, бргу ја забораваме, а првото летување без родителите ќе го паметиме целиот живот.

Гилович советува парите кои ги штедите за нов телевизор да ги потрошите некое патување или ново хоби.

„Можеби навистина сакате материјални работи. Можеби и верувате дека се врзани за вашиот идентитет, но истите можат да постојат и без вас. Од друга страна, вашите искуства навистина се дел од вас. Вие сте збир од вашите искуства“ – заклучува Гилович.

Н. Г. | Црнобело