Креативно: Минијатурни слики од цели светови во мали тркалезни медалјони

Кара Ледон е уметник и дизајнер позната по своите минијатурни слики на кои се претставени цели магични светови, кои можете да ги носите со себе, бидејќи истите се сместени во мали тркалезни медалјони.

По времето поминато во цртање на огромни мурали како тинејџерка, Ледон постепено се посветила на цртањето минијатурни слики, пред да се усоврши за работа со милиметарски четки кои се потребни за исцртување на нејзините ремек-дела.

Откако ќе ја обои емајлираната основа која служи како позадина, започнува со внимателно нанесување на различни бои – сепак мора да чека секој слој убаво да се исуши пред да продолжи со следниот, па така за секој медалјон и е потребна околу една недела.

Од инспиративни слики на вселената до интересни слики од миленици и храна, Ледон создава извонредни уметнички дела кои може да бидат совршен додаток на вашиот изглед или да бидат прекрасен подарок за некој кој ви значи.

• 
• 
• 
• 
• 
• 
• 
•  

М. С. | Црнобело