Зошто есента е најдоброто годишно време?

Есента е годишно време на промени, на флексибилност, чадори и капути. Само во есен можете да излезете наутро во маичка на сонце, а вечер да се вратите намокрени од есенскиот дожд...

Постојат неколку главни причини зошто есента е најдоброто годишно време:

1. За сите оние кои го сакаат летото и ги запоставиле своите обврски и работни задачи

Есента е период од годината кога сите се враќаат со полна пареа и наполнети батерии од веќе изминатото лето. Децата почнуваат на училиште, а годишните одмори се веќе искористени. Есента е идеално време за започнување со нова работа.

2. Есента е време на маички, чевли, палта и топли капути

Чадорот е задолжителен сопатник во есенските денови, иако понекогаш се потребни и очилата за сонце. Есента е време на крцкаво шушкање на лисјата под новите чевли и стариот добар мантил, а  шалот во најмала рака ќе ве спаси од есенскиот ветар.

3. Есента е одличен период за кафе со пријателот со кого сме се подзаборавиле во летниот период

Време кога мириса на топло кафе, време на првиот чај со цимет и две-три колачиња. Тогаш и секој сончев зрак е благодат и секој  од нас гледа да го украде есенскиот сончев ден.

4. Ова годишно време е идеално за нови љубовни почетоци

Затоа што поминаа летните авантури и ни треба топла прегратка. Добар филм и ќебе, тоа ни треба за одлична есенска вечер. Затоа што нема поубава прошетка од онаа есенската во паркот покрај жолтите лисја и соголените дрвја.

5. Затоа што помина времето на бикини

Есента е време на топол симид, коцка сирење и ајвар. Затоа што наместо во ладно кафе, уживаме во топло чоколадо.

Ете, затоа ја сакам есента!

Н. Т. | Црнобело