Слушај ме! Имам толку многу соништа за раскажување

Слушај ме кога ти зборувам!

Имам толку многу соништа за раскажување.

Tолку многу приказни

Кои сакам да ти ги раскажам...

Слушај ме!

За тебе би ги испеала најубавите арии.

За тебе би тргнала до крајот на светот.

Би ти цртала сонце на тмурното небо.

Би ти направила кафе.

Секое наредно, секој ден од твојот живот.

Би испекла колачиња со мед.

За да ми биде благ животот.

За да ни биде.

Слушај ме кога ти зборувам!

Јас сум таа твојата.

Посакуваната.

Единствената.

Онаа кој нема никогаш повторно да ја пронајдеш.

Онаа која те сака.

Онаа која ќе те сака.

Сè до последниот здив.

Јас сум таа што не сакаш да ја слушаш.

Кога зборувам дека не можеш без мене.

Ама, што да ти правам...

Секој има право на избор.

Ако, во сечии други очи ќе ги гледаш моите.

Секој друг глас ќе ти наликува на мојот.

Автор: М.К. | Црнобело