Најсмешните теории на заговор

Нема сомневање дека во светот се случуваат повеќе работи отколку што можеме да знаеме, па од тука произлегуваат и теориите на заговор. Но, не секоја теорија на заговор е втемелена на вистина.

Иако некои теории подоцна се покажале како вистинити, има стотици теории кои се далеку од вистината.

Еве неколку од нив:

Месечината не постои

Теоријата вели дека постои нешто зад „Месечината“, но она што го гледаме е всушност само еден голем холограм. Оваа теорија не се обидува ниту да го објасни овој холограм, ниту да каже кога е поставен, или да одговори на прашањето дали воопшто постои Месечината.

Диносаурусите помогнаа да се изградат пирамидите

Пирамидите веќе долго време се предмет на теории на заговор. Едно училиште во Малта, наречено „Accelerated Christian Academy“ има директор кој верува дека диносаурусите биле не само живи во исто време со луѓето, туку и дека им помагале на Египјаните во градењето на пирамидите.

Јогата е форма на сатанизам

Постојат голем број на луѓе кои веруваат дека јогата е всушност зла пракса, создадена да ги заведе луѓето во обожување на сатаната. Интернетот е преполн со „хорор приказни“ на луѓе кои тврдат дека за малку избегале од злото на јога часовите.

Аеродромот во Денвер е најлошото место на планетата

Аеродромот во Денвер е седиштето на: нео-нацистите, Новиот Светски Поредок, Илуминатите и самиот Сатана, во зависност од тоа со кој зборувате.

Овој аеродром е малку чудно место, бидејќи е исполнет со бизарни уметнички дела и прилично застрашувачка статуа на џиновски коњ со црвени очи.

Голем дел од светските лидери се всушност рептили од друга планета

Популаризирана е од озлогласениот теоретичар на заговор Дејвид Ајк. Идејата е дека светот е тајно воден од страна на рептили кои го менуваат обликот.

Најпознатите „рептили“ се кралицата Елизабета Втора и Барак Обама, кој наводно се хуманоиди од системот Алфа Драгонис и пијат крв.

Многу скептици тврдат дека оваа теоријата е украдена од некоја ТВ серија, во која вонземјаните доаѓаат на нашата планета и се преправаат дека се луѓе.

Ова е една од најпопуларните теории на заговор, а Дејвид Ајк има поддржувачи на неговата теорија во речиси 50 различни земји.

Автор: М.A. | Црнобело