Мит или вистина: Дали патниците со црвени куфери најдолго чекаат на аеродром?

Вирално се шири видео во кое дечко од персоналот покажува дека црвените куфери во авионот секогаш се товарат први, па затоа патниците што имаат вакви куфери чекаат подолго за да си го земат багажот. Дали ова е мит или вистина?

Со видеото што го објави на ТикТок, еден вработен на аеродром сакаше да покаже дека наводно постои оправдана причина зошто патниците со црвен куфер, последни го добиваат својот багаж.

Имено, според неговото објаснување, во авионот секогаш црвените куфери се пакуваат први затоа што се лесно воочливи и постои многу помала шанса да бидат заборавени на крајот од отворот. 

Според него, иако за црвениот куфер ќе чекате многу подолго за да го подигнете, добрата вест е дека шансите тој да биде загубен се многу помали.

@airportlife_

Boeing 737 loading! 💪🏻✈️ #airport #aviation #aircraft #plane #flight

♬ i like the way you kiss me - Artemas

Ова видео веднаш стана хит на социјалните мрежи, но и мета на критики од страна на вработени на аеродроми, кои тврдат дека приказната дека црвените куфери се пакуваат први во авионот е само измислица или мит.

Вработен во авиокомпанијата KLM Royal Dutch Airlines во друго видео тврди дека ова се безмислици, а дека вработените ниту имаат време, ниту простор за да го сортираат багажот според бојата.

@klm

@AirportLife✈️ Have you been wondering for days why red bags are loaded first? Well, here is the truth! ✈️ #KLM #Royaldutchairlines #redbags #luggage

♬ original sound - KLM Royal Dutch Airlines

„Ако трошевме време и мозок за да ги сместуваме куферите според бојата, денес сѐ уште ќе ги полнев авионите од 2015-та година“ – тврди еден корисник на Reddit, кој бил вработен 5 години на рампа на аеродром;

Според претходни написи од 2015-та година, багажот во авионот се распоредува исклучиво само според тежината и се сместуваат во „кутии“ со соодветна тежина со цел да се балансира целокупната тежина во леталото.

Така што, чекањето за багажот не зависи од тоа во каква боја е вашиот куфер, туку од тоа, во која од кутиите во авионот бил сместен со цел да се избалансира тежината.

Б. С. Б. | Црнобело / фото: freepik.com