Како изгледа дневното мени на еден модел?

Дали сте се запрашале некогаш што јадат моделите во текот на денот? Или едноставно претпоставувате дека секојдневно гладуваат? Некои од нив тврдат дека не гладуваат, туку внимаваат на својата исхрана. Таков е случајот и со Меган Вилијамс.

Вилијамс е британски модел кој се има појавено во големите модни списанија како Elle, Glamour и Marie Claire, како и во кампањите на Guess.

Овој пат открива што јаде во еден ден. За појадок, таа вели дека јаде домашни палачинки без глутен, за ручек пилешка салата и ладен чај, а за вечера тако со риба, но не открива колкави се порциите. За ужинка консумира само овошје.

Меѓу другото, таа додава: „Во мојот фрижидер секој можете да најдете високо протеинска храна како: јајца, сирење и кашкавал, како и путер од кикирики “.

Внимава колкава количина на течности внесува, а омилен пијалак и е водата од кокос. Понекогаш сака да ужива и во малку чоколадо.

Нејзината диета се чини дека нема големи рестрикции и не се базира на некои строги диети и режими во исхраната, но затоа пак, таа секојдневно вежба пилатес.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•