Слатка реплика на Белата куќа од чоколадо (видео)

Во духот на новогодишните и божиќните празници, покрај сите други вообичаени подготовки на трпезата, слаткарскиот тим на слаткарот Бил Џосес воодушеви со својата слатка реплика на Белата куќа.

Подготовката на ова вкусно ремек дело траела 2 недели. Направена е од 68 килограми тесто, 113 килограми бела чоколада и многу други слатки додатоци.

Покрај слатката Бела куќа, направен е и сладок камин во природна големина на којшто таа е поставена.

Не е заборавен ниеден детаљ околу куќата и изработени се украсени новогодишни мали елки од марципан и реплики на познатата North Lawn фонтана и двете кучиња на претседателското семејство, Сани и Бу.

Оваа година темата на изработените слатки реплики е собирање на семејството и се слават топлите спомени на сите американски семејства во САД.

Се открива дека она што се случува во кујната на Белата куќа за време на празниците не може ни да се замисли ни да се опфати во сите познати кулинарски шоуа.

За изработката на ваква слатка куќа, навистина е потребна вештина, прецизност и креативност.

Погледнете го time-lapse видеото од подготовката: