Запознајте го Накио - првото кутре со 4 вештачки екстремитети

Накио го започнал животот како и секое нормално кутре, но неговата приказна со текот на времето добила тажен правец. Тој ги изгубил своите четири екстремитети и половина од опашката кога бил младо кутре.

Тој бил пронајден во напуштен дом во Небраска, премрзнат во ледена вода.

Тогаш го загубил својот опаш и четирите нозе, но затоа се здобил со нов газда кој направил сè што можел за да му го врати животот во нормала. Од тогаш Накио има четири протези наместо нозе.

Накио функционира одлично, трча, си игра и е навистина весело кутре. Многу бргу се адаптирал на протезите и прифатил дека единствено така ќе може да живее.

Дури има и другарка со која го дели домот, која исто така ги загубила своите задни екстремитети, но заедно функционираат без никаков проблем. Дружбата и љубовта помеѓу низ е неизмерно голема.