Полнети портокали: крем десерт за љубителите на пудингот

Иако портокалот е овошје достапно во текот на целата година, неговата улога во слатките наскоро ќе ја замени сезонското овошје како јагодите и малините.

Но, не би било праведно зимата да се испрати, а да не се проба овој вкусен десерт за кој не ви треба рерна и за чија подготовка ви се потребни само десетина минути, таман во паузата од ручекот до кафето.

Состојки:

• 400 ml сок од свежи портокали (обично 4 портокали, зависно од големината)
• 50 gr шеќер
• 1 ванила
• малку рум или ликер од портокал
• 1 пудинг од ванила
• блага павлака за украсување
  
  

Подготовка:

1. Портокалите пресечете ги на половина. Издлабете ги и извадете ја внатрешноста (како на сликата).

2. Корите од портокалите оставете ги на страна, тие ќе послужат како калапи за сервирање на кремот.

3. Испасирајте ги пулпите од портокалот и исцедете ги за да добиете бистар сок.

4. Во 400 ml сок сварете го пудингот од ванила, измешајте го шеќерот, ванилин шеќерот и додадете малку рум.

Добиената крема оставете ја малку да се излади, па со неа наполнете ги половините од портокалите. Изладете и украсете со блага павлака и чоколадни трошки.

Кремот можете да го сервирате и во високи чаши.