Со еден трик до чашки од чоколадо

Чоколадото освен како додаток за колачи и торти, благодарејќи на својата текстура се употребува и за изработка на украси и калапи. Иако тие мали уметнички дела често изгледаат невозможни да се направат, еве еден едноставен трик со кој можете да направите совршено обликувани чашки од чоколадо.

Растопете го чоколадото за готвење и оставете го да се излади на собна температура. Во меѓувреме надувајте балони и заврзете ги врвовите.

Потоа подгответе тавче, обложете го со мрсна хартија и на неа ставете по една лажица растопено чоколадо на растојание од неколку сантиметри. Секој балон до половина потопете го изладеното чоколадо и ставете го на претходно излиеното чоколадо на тавчето.

Оставете ги балоните да постојат за чоколадото на нив да се стврдне. Потоа дупнете ги балоните и отстранете ги. Она што ќе ви остане се совршено обликувани чашки од чоколадо кои по желба можете да ги полните со сладолед или омилен вид на крем, а на крајот со уживање да ги изедете.

Пробајте!