Израдувајте го вашето домашно милениче

Доколку сте од оние љубители на животни кои веруваат дека домашниот миленик може да ви го промени животот, еве неколку идеи како пак вие да му го разубавите неговото секојдневие.

Мала промена во вашиот дом или необичен декор може да биде вистинско уживање за вашиот миленик.

Доколку чувате мачка, знаете дека таа сака што повисоко да се искачи. Зошто да не и го овозможите тоа со малку поинакви мини скалила кои ќе бидат поставени во било кој дел од вашиот дом.

Дел од мебелот исто така можете да претворите во мини катче на вашето милениче. Од помошните табуретки во вашата дневна соба, направете му место каде што може да се сокрие.

Кучињата кои сакаат да се излежуваат и галат речиси цел ден, ќе ценат еден мал дел од собата кој ќе им го посветите само нив. Стариот куфер можете да го претворите во удобен кревет со мека внатрешност.

Секое парче мебел со празна внатрешност, кое ќе го адаптирате за нивни потреби ќе го засакаат во истиот момент. Погледнете како да им овозможите среќа и удобност, за која е потребно само малку фантазија.