Судбина: Сирачето на модната недела во Њујорк

Фјор Мендез до пред 2 месеци била сираче во Доминиканска Република, која станала премногу возрасна за домот кога наполнила 21 година. Нејзината судбина изгледала неизвесно, но замислете – сега се појави на модната недела во Њујорк.

Првата нејзина ревија е за Назингу Најт, креаторка од Карибите.

-  Ме преплавија емоции, ова е сон. Никогаш не сум можела ни да си замислам вакво нешто, изјавила убавата Доминиканка.

Фјор била оставена од мајка си во сиропиталиште кога имала 13 години затоа што не можела да се грижи за своите деца. Таа е меѓу ретките кои останале присебни во сиропиталиштето и не почнала да се занимава со проституција.

Кога наполнила 21 година и морала да се осамостои, нејзина добра пријателка се понудила да ја одведе во Њујорк за да го научи англискиот јазик. Таму била забележана од модните агенти и ја добила својата прва работа и тоа не било каде туку на модната недела во Њујорк.

Фјор немала никакви контакти со семејството откако била оставена во домот.

Понекогаш судбината навистина знае да се насмевне за оние кои заслужуваат.