Лицето открива дали ќе се збогатите

За некој да се збогати мора да е снаодлив, способен и да има среќа. Освен тоа мора да има соодветен профил и анфас, тврдат британските стручњаци.

Кои ги проучувале цртите на лицето на некои од најбогатите луѓе на светот и на основа на тоа проучување направиле модел на лице чиј сопственик би имал најмногу шанси да стане успешен деловен човек.

Тие заклучиле дека машкиот модел на лице кое гарантира богатство има римски нос, широко раздвоени очи и поголеми ноздри, додека мажот со напрчен нос најверојатно нема да биде успешен во деловните зафати.

Кога станува збор за модел на женско лице кое е предодредено на богатство и успех, можете да се радувате ако имате вдлабнатина над горната усна која се спушта вертикално од носната преграда, високо чело и густи веѓи.

Успехот во работењето зависи од многу фактори, а еден од нив е и обликот на лицето.

Освен потенцијалниот богаташ, цртите на лицето ги откриваат и нашите особини.

Луѓето со тенка, нежна кожа имаат предуслов да бидат повеќе емоционално и физички осетливи, додека пополната долна усна укажува на спонтаност, отвореност и великодушност.

Се препознавте ли некаде?