Пророштва на Нострадамус за кои се верува дека се исполниле

Доаѓањето на Адолф Хитлер, но и атомските бомби во Хирошима и Нагасаки се само дел од значајните историски настани за кои фановите на Нострадамус се убедени дека се спомнати во неговите пророштва. Дали вие верувате дека навистина ги предвидел?

Нострадамус е еден од најпознатите пророци и многумина веруваат дека предвидел некои од најзначајните настани низ историјата.

Роден е во Франција во 1503 година, а има запишано над 900 поетски катрени (строфи со четири стиха) кои наводно ја предвидуваат иднината.

Сепак, мора да се нагласи дека стиховите на Нострадамус се многу двосмислени и практично секој може да си ги толкува како што сака.

Но, без разлика на ова, забавно е да се размисли за настаните за кои се верува дека ги предвидел.

Дел од нив во продолжение:

Смртта на кралот Хенри Втори

Нострадамус и лично го познавал францускиот крал Хенри Втори, а се верува дека ја предвидел неговата смрт на 40-годишна возраст.

Кралот Хенри сакал да лови, а сакал и витешки борби со копја и коњи.

На една ваква борба, во 1559 година, кралот бил прободен со копје, кое се скршило, а делчиња од него завршиле во неговите очи и череп.

Смртта на кралот била болна и бавна, а се верува дека Нострадамус ја предвидел.

Големиот лондонски пожар

Големиот пожар во Лондон во 1666 година е една од најразорните катастрофи во престолнината на Англија.

Огнот горел од 2-ри до 6-ти септември, притоа уништувајќи над 13.000 и 87 цркви. За среќа, во пожарот загинале само шестмина.

Пожарот започнал од пекарница и се проширил навистина брзо.

И ова е настан за кој се верува дека Нострадамус го предвидел но, секако, има дебати за толкувањето на стиховите кои наводно се однесуваат на пожарот.

Продолжува на следната страница...