7 (психолошки) знаци дека сте биле емоционално запоставувани како дете

Се плашите да зависите од другите луѓе, не сакате да зборувате за сопствените емоции и ги потиснувате... Кои знаци може да укажуваат дека ги чувствувате последиците од емоционалното запоставување што сте го претрпеле како дете?

Емотивното запоставување на децата може во голема мера да се одрази врз нив во периодот кога се веќе созреани и возрасни личности, а може да се издвојат 7 знаци и психолошки одлики кои се карактеристични за луѓето кои како деца биле игнорирани од родителите.

Емоционалното запоставување најчесто се јавува кога на детето не му недостасува ништо материјално, но родителот не е во можност да одговори на неговите емоционални потреби додека се грижи за него.

Станува збор за невидливо искуство од детството, за кое детето воопшто не е ниту свесно дека му недостасува, но често може да се случи последиците од ова запоставување да ги чувствувате подоцна во животот, кога веќе сте созреани личности.

Родителите што ги запоставуваат емоциите на сопственото дете додека расте испраќаат една порака што ќе се провлекува низ нивните глави за цел живот, а таа е: „Твоите чувства се неважни“.

Заради ова, децата што се емоционално запоставени најчесто почнуваат да ги потиснуваат сопствените емоции, да се повлекуваат во себе и немаат разбирање за сопствените чувства.

Ако кај себе препознавате некои од следниве 7 знаци, тоа може да биде знак дека сте биле емоционално запоставени во детството:

Постојано чувство на празнотија

Секој човек различно ја чувствува празнотијата.

За некои луѓе тоа е празно чувство во стомакот, градите или градите што доаѓа и си заминува, а други, пак, чувствуваат затапеност и рамнодушност кон сѐ што се случува околу нив.

Страв кога треба да зависите од некого

Добро е да бидете независни, но тоа е сосема поразлично од тоа да ви е страв да зависите од некој друг.

Ако забележувате дека постојано барате начин како сами да си ги завршите работите без да побарате помош или поддршка од други луѓе, многу е веројатно да имате ваков страв.

Немате реална слика за сопствените вредности

Дали ви е тешко да сфатите за што сте способни? Кои ви се силни страни, а кои ви се слабости. Што е она што го сакате? Што ви е важно?

Ако имате проблем да дадете одговор на некои од овие прашања, тоа може да значи дека не сте имале можност да се запознаете себеси, токму затоа што сте биле запоставувани како дете.

Продолжува на следната страница...