Како да ги изберете вистинските очила (според формата на лицето)?

Ако имате овално лице, рамките на очилата треба да бидат широки колку најширокиот дел од вашето лице (или само малку пошироки од него). Но, што ако вашето лице е правоаголно или во вид на срце?

Кога избирате очила кои ќе ги носите секојдневно, однапред знаете дека мора да направите вистински избор. Тие треба да одговараат на обликот на вашето лице, на личниот стил и да не ви здодеат по неколку месеци гледање во огледало, па да посакате да купите други.

А знаете ли какви очила ви одговараат најмногу?

Најпрво е важно да ја одредите формата на лицето, а дури потоа да изберете очила...

Тркалезно лице:

Ако имате широко чело, а должината и ширината на вашето лице се скоро исти, тогаш имате тркалезно лице.

Изберете:

- Правоаголни очила со елегантни рамки.

- Очила со впечатливи шари или нагласени детали.

Избегнувајте:

- Очила во тркалезна или овална форма.

- Рамки со заоблени детали кои ќе нагласат дека вашето лице е тркалезно.

Правоаголно лице:

Вашето лице е правоаголно ако имате нагласена вилица, а должината на лицето е поголема од неговата ширина.

Изберете:

- Овални очила со заоблени детали.

- Очила со широки рамки.

Избегнувајте:

- Правоаголни очила

Срцевидно лице:

Ако имате широко чело, дефинирани јаболчници и тесна, остра брада, а ширината на лицето е малку помала од неговата должина, тогаш имате лице со срцевидна форма.

Изберете:

- Очила чии рамки се пошироки од вашето чело.

- Овални и тркалезни очила.

- Очила во посветли бои со нежни рамки.

Избегнувајте:

- Очила со широки рамки кои може да ја нагласат ширината на јаболчниците

- Рамки со многу детали

- Светли рамки

Коцкесто лице:

Ако имате силна вилица и широко чело, а ширината и должината на лицето ви се скоро еднакви, тогаш имате коцкесто лице.

Изберете:

- Овални и тркалезни очила

- Очила со тенки рамки

- Рамки во облик на „мачкини очи“ или „авијатичарски“ рамки

Избегнувајте:

- Тесни рамки

- Правоаголни и коцкести рамки

Овално лице:

Ако имате пропорционални црти на лицето, тесно чело и брада и високо поставени јаболчници, а должината на лицето ви е скоро двојно поголема од ширината, тогаш вашето лице е овално.

Изберете:

- Какви било рамки кои се широки колку најширокиот дел од вашето лице (или само малку пошироки од него).

Избегнувајте:

- Очила кои се премали или преголеми.

- Многу тенки рамки кои ќе направат лицето да ви изгледа подолго.

А. Ј. | Црнобело