Морничави нерешени мистерии од реалноста кои ќе ве држат будни навечер

Куки Џејкобсон

Најморничавото во овој случај е мислењето на надлежните дека Куки Џејкобсон е убиена од нејзините деца.

Во 1998 година, тогаш 49-годишната Куки исчезнала од нејзиниот дом, оставајќи ги сите нејзини работи, вклучувајќи ги 16-годишниот син и 13-годишната ќерка.

Десет дена откако почнала истрагата, син ѝ Арон ѝ кажал на полицијата дека ја нашол мајка му мртва во спалната соба.

Бидејќи со сестра му се исплашиле дека ќе ги обвинат за убиство, ѝ го завиткале телото во чаршаф и го фрлиле во контејнер зад нивната куќа.

Во контејнерот навистина имало крв, но не и телото на Куки. Па, ова не бил доволен доказ дека Куки е мртва.

Пријател на Арон за полицијата изјавил дека тој и сестра му сакале да ја убијат мајка им. Истовремено, Куки имала лош однос со децата, но немало докази дека ги малтретира.

Арон и сестра му биле уапсени, но подоцна ослободени бидејќи немало доволно докази.

До денес, случајот е отворен, а Арон и сестра му се водат како осомничени.

Нерешени убиства во Британска Колумбија

Во Британска Колумбија, Канада, има автопат кој е познат како „Автопатот на солзите“ поради многуте исчезнувања и убиства на жени во негова близина.

Од 1970-тите, па сè до денес, бројни жени исчезнале или биле најдени убиени во оваа област. Некои веруваат дека станува збор за околу 18 жени, додека некои организации тврдат дека овој број е поголем од 40.

Повеќето од нив се жени од домородно население.

Досега се обвинети неколку лица за исчезнувањата и убиства, вклучувајќи и тројца сериски убијци.

Надлежните имаат изјавено дека имаат и други осомничени, но немаат доволно докази за ниту еден од нив.

Истовремено, надлежните велат дека можеби никогаш нема да ги решат исчезнувањата и убиствата, како и дека никогаш нема да се дознае дали ги извршила една личност.

Џил Дандо

Џил Дандо била позната новинарка и ТВ водителка од Англија.

На 26-ти април 1999-та, кога имала 37 години, Џил била застрелана и убиена, и тоа пред нејзиниот дом, среде бел ден.

Со ова почнала една од најголемите истраги за убиство во Лондон.

По некое време, полицијата уапсила маж – Бери Џорџ – кој живеел во близина на Џил.

Бери добил казна затвор, но по осум години добил право на ново судење.

Доказите против него биле скоро непостоечки, по што бил ослободен.

До денес, полицијата не само што нема претстава кој е убиецот, туку нема најдено ниту еден осомничен по Бери.

Спирова С. | Црнобело