Како изгледаат тоалетите во кафулињата на Балканот? - Вирален хит кој го насмеа регионот (видео)
Врата залепена до шолјата, во тоалетот нема хартија - забавно видео за тоа како изгледаат голем дел од тоалетите во кафулињата на Балканот стана вистински хит на Инстаграм за само 3 дена.
Деновиве на Инстаграм се споделува видео кое на реален, но и забавен начин ја покажува вистинската слика за многу тоалети во кафулињата и рестораните на Балканот - особено оние што се направени пред повеќе од петнаесетина години.
Видеото објавено на Инстаграм профилот Yugojokes го насмеа регионот и за само 3 дена стана вирален хит со преку 427.000 прегледи.
Видеото ја прикажува следнава сцена: момче покажува колку е тесен просторот меѓу вратите и тоалетната школка, па каква мака е да излезе од тоалетот, но и дека често нема течен сапун или хартија за раце, па мора да се избришете од облеката.
Сепак, видеото предизвика поделени реакции.
Едни велат дека е 100% точно.
„Требаше да снимаш некаде каде што фали капакот од шолјата“, „Па добро, барем не е 'чучавец'“...
Други, пак, го критикуваат дека претерал и дека тоалетите во кафулињата и рестораните на Балканот одамна не изгледаат вака.
„Дали си бил во тоалет во Нови Сад? Подобри се од оние во Бакингемската палата“, „Некои тоалети кај нас се луксузни, воопшто не личат на ова“, се дел од коментарите.
Што мислите вие? Погледнете го видеото...
А. Ј. | Црнобело
Би можело да ве интересира:
Препорачуваме
Најчитани неделава
