Ја тужеше поранешната девојка за насилство, за проблемите со дрога го обвинува татко му – Што знаеме за синот на Том Хенкс?
Синот на Том Хенкс, Чет Хенкс, вели дека немал никаква поддршка од татко му додека растел и дека немал вистински машки модел до себеси.
Чет Хенкс (31) е познат како синот на оскаровецот Том Хенкс (65) и на актерката и музичарка Рита Вилсон (65).
Tој во последните години се појави и во филмовите Indiana Jones and the Crystal Skull и Fantastic Four, а кариерата ја започна како рапер кој настапуваше под името Chet Haze.
Чет деновиве на својот YouTube канал говореше за тоа како изгледало неговото детство. Како што рече неговите врсници често му завидувале за богатството и славата, а бил сметан за „арогантен, препотентен и разгален“.
https://www.instagram.com/p/CaBQXiopVyW/?utm_source=ig_web_copy_link
Според Чет луѓето не сакале ниту да го запознаат и веднаш имале предрасуди и биле подготвени да го мразат. Сепак, благодарение на неговиот застрашувачки изглед ретко кој му се спротивставувал, туку најчесто го озборувале зад грб.
„Немав цврст машки модел што ќе ми каже не ги забележувај другите луѓе, само ти љубоморат, ти го имаш сето она што тие го посакуваат па затоа те малтретираат за да не се чувствуваш добро за себеси, затоа што се љубоморни.
Ми требаше да го слушнам тоа, а немав никој за да ми го каже“ – вели Чет.
https://www.instagram.com/p/CZUzq3avYjv/?utm_source=ig_web_copy_link
„Моето искуство беше покомплицирано, затоа што јас не бев славен. Јас бев син на некој што е славен и не сум направил ништо за да заслужам какво било признание, па тоа предизвикуваше многу завист“ – вели тој.
Ваквите изјави на Чет предизвикаа коментари на социјалните мрежи од страна на обожавателите на холивудскиот актер, кои прокоментираа дека тој самиот бара луѓето да не го сакаат и да го мразат и дека најверојатно Том веднаш треба да го промени тестаментот.
Tom Hanks changing his will after Chet's latest post #ChetHanks pic.twitter.com/HxUTohPqTF
— GiGi (@GiGiMcK) March 27, 2021
Чет во минатото често ги полнеше таблоидите поради големиот број скандали. Тој го обвини татко му за неговите проблеми со зависностите.
За себеси вели дека е „црна овца“ во семејството. За потсетување, Том од бракот со Рита Вилсон има уште еден син, Колин Хенкс, како и синот и ќерката од претходно, Труман Хенкс и Eлизабет Ен Хенкс.
Додека другите деца на Том се активно вклучено во филмската индустрија, Чет Хенкс е најпознат по големиот број скандали што се врзуваат за него.
Да се присетиме на дел од нив:
Во февруари 2015-та година Чет го возеше автомобилот на неговиот татко кога направи сообраќајна несреќа и се удри во Тери Морган кој подоцна поднесе тужба. Спорот се решил со меѓусебна спогодба, но не се знаат точни детали.
По сообраќајната несреќа Чет замина на рехабилитација поради зависностите од опојни супстанции. Тој тогаш објави неколку видеа на социјалните медиуми, што сега се избришани, во кои изјави:
„На крајот на денот, кога ќе помислам што правев – јас не сум таква личност, не сакам да бидам таков. Поминав долг пат за да се пронајдам себеси заради целиот притисок што го трпев во животот, како син на татко ми“.
Истата година тој даде јавна изјава за медиумите во која тврдеше дека неговите родители Том Хенк и Рита Вилсон биле постојано со него и му помогнале да се избори со зависностите.
Во 2016-та година, Чет станал татко на малото девојче Микаија, а тој во едно интервју посочи дека нејзиното раѓање му помогнало да се избори со зависностите и дека таа му го спасила животот.
Во 2011-та година, кога Чет почнал да снима рап музика, познатиот водител Хауард Стерн јавно го исмеал заради неговото привилегирано детство, по што Чет јавно му се закани.
По низа помали скандали, во 2021-ва година Чет беше во фокусот на јавноста кога во медиумите беше објавено видео на кое се гледа како неговата поранешна девојка доаѓа дома и со тенџере го удира пред снимката да се затемни.
https://www.youtube.com/watch?v=-Ny9TBTq8X8
Чет по ова ја тужел поранешната девојка Киана Паркер за кражба, напад и насилство. Наводно тие раскинале откако Чет сфатил дека таа му украла пари. По ова таа дошла во неговиот дом придружувана од вооружен маж и го нападнала со нож.
https://www.instagram.com/p/CP5v76PLhSn/?utm_source=ig_web_copy_link
Киана, тврдеше дека Чет бил насилен и побара судот да ѝ одобри забрана за пристап. Дополнително, бараше отштета од 1 милион долари за нанесените ментални и физички повреди.
https://www.instagram.com/p/CWrIWuNL774/?utm_source=ig_web_copy_link
Повеќе фотки од Чет:
https://www.instagram.com/p/CZ22jbGpAul/?utm_source=ig_web_copy_link
https://www.instagram.com/p/CYmjdBnvyIz/?utm_source=ig_web_copy_link
https://www.instagram.com/p/CYDT6GdA9Kr/?utm_source=ig_web_copy_link
https://www.instagram.com/p/CX9kqJYu4Yx/?utm_source=ig_web_copy_link
https://www.instagram.com/p/CRm32O6gmsZ/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
