Има опсесивно-компулсивно нарушување, првата жена го оставила заради алкохолизам - Факти за Алек Болдвин

Алек Болдвин заради алкохолизмот се разведе со Ким Бесинџер по девет години брак. Денес е во брак со Хиларија Болдвин со која има шест деца. Што знаеме за холивудскиот актер?

Алек Болдвин (63) деновиве е топ-тема во медиумите поради трагедијата што се случи на снимањето на филмот Rust каде тој ненамерно ја застрела и ја уби колешката Халина Хачинс.

Станува збор за актер со долгогодишна филмска кариера кој низ годините бил мошне застапен во медиумите како со успешните филмски проекти, така и со детали од неговиот приватен живот.

Во продолжение неколку факти за него. Кој е Алек Болдвин?

Неговото целосно име е Александар Рае Болдвин Трети, а се смета дека неговото семејство живее во САД цели 14 генерации.

Додека бил млад работел во легендарниот клуб „Студио 54“, познат по лудите забави за славните и познатите.

Во 1979-та година тој добил предизвик да се пријави на аудиција на Драмската Академија во Њујорк, а сите биле изненадени кога бил примен.

Кариерата ја започнал во ТВ сапуницата The Doctors. Тој вели дека токму тука научил како брзо да ги учи репликите, да прави избори и да работи во тим.

Сите знаат дека Алек има уште тројца браќа што имаат успешни актерски кариери (Даниел, Вилијам и Стивен), но ретк кој знае дека тие имаат уште две сестри Елизабет и Џејн, што не се заинтересирани премногу за шоу-бизнисот.

За улогата во филмот The Hunt for Red October, Алек морал да научи како да управува со подморница.

Алек е огромен обожавател на животни. Во периодот додека бил во брак со Ким Бесинџер имал 10 кучиња, 7 мачки и еден волк.

Размислувал за политичка кариера. За него се знае дека е голем поддржувач на Демократите во САД, а во 2011-та година сериозно размислувал да се кандидира за градоначалник на Њујорк.

Уште седум факти на следната страна...