Загина во авионска несреќа, нејзината смрт е мистерија: Факти за Амелија Ерхарт, првата жена која го прелета Атлантикот

Амелија Ерхарт била американски авијатичар и борец за правата на жените. Светот ја знае како првата жена која го прелетала Атлантикот, а нејзината трагична смрт до денес претставува мистерија.

Пред својот 40-ти роденден, Амелија започнала авантура која никој дотогаш не успеал да ја оствари - тргнала на пат околу светот со својот авион.

Меѓутоа, некаде над Пацификот, на 2 јули во 1937, нејзиниот aвион исчезнал, а нејзиното тело никогаш не било пронајдено.

Неколку факти што сигурно не ги знаевте за оваа неверојатна жена:

1. Ерхарт е втора личност која самостојно летала преку Атлантикот досега. Првиот бил Чарлс Линдберг, кој го извршил летот во мај 1927 година. Ерхарт го направила ова во мај, 1932 година.

2. Првпат кога видела авион, не била импресионирана. По нејзиното исчезнување беа објавени неколку нејзини дневници во форма на книга под наслов „Последен лет“.

Во еден од нив, Ерхарт се сеќава на моментот кога за првпат видела авион. Имала десет години и се сеќава дека воопшто не била импресионирана. Дури и откако некој ѝ кажал дека овој пронајдок може да лета, таа била повеќе импресионирана од шеширот што тукушто го купила.

3. Амелија Ерхарт не била единствениот успешен женски пилот во свое време. Неколку нејзини колешки биле подеднакво добри како неа, како Луиз Таден и Рут Николс.

4. Амелија не пиела ниту кафе, ниту чај. За да остане будна во текот на летањето користела мирисни соли. Сепак, постои еден пијалак што го сакала - топло чоколадо.

5. Амелија ги охрабрувала другите жени да летаат. Во текот на 1928 година, Ерхарт станала уредник на магазинот Cosmopolitan. Во овој период напишала 16 новинарски текстови во кои зборувала за улогата на жените во авијацијата.

6. Во првите пет месеци на 1935 година, Ерхарт станала прва личност - не само жена - која имала три импресивни рекорди.

Во јануари летала самостојно од Хонолулу, Хаваи до Оукленд, Калифорнија. Во април летала од Лос Анџелес до Мексико Сити, а неколку месеци подоцна, од Мексико Сити до Њујорк. Ниту еден од овие летови никогаш порано не бил самостоен.

7. Трагично, славата на Амелија Ерхарт се зголемила со нејзиното мистериозно исчезнување во 1937 година. Нејзиниот авион едноставно исчезнал.

Иако била спроведена голема потрага, најскапата во тоа време, ниту една трага од неа или нејзиниот авион никогаш не биле пронајдена. Ова, секако, навело некои луѓе да веруваат дека сепак преживеала.

Ашера | Црнобело