„Работи во голема компанија, скриј се зад пулт и биди нефункционален – сон за кариера во Македонија“

Сон на (голем дел од) работниците во Македонија: Да поминат по линија на најмал отпор. Да не се „потрошат“. Да седат бесполезно. Да бројат часови до крај на ден. Да сработат денес ако може помалку од вчера. А утре? Помалку од денес! Но, се разбира, чест на исклучоците - и кај нас постојат вистински работници за пример....

Многу луѓе во Македонија сонуваат да работат најмалку, ако може и воопшто, да земаат просечна плата и по можност да се невидливи на работа.

Функционалност и корисност од нив? Сведена на нула.

Ако може да се сокријат позади некое биро или пулт и да не придонесат ништо... Супер!

Да се земе платиче на први.

„Не е тоа моја работа.“

„Нема да кревам на телефон, што не крене колегата?“

„Нема да објаснам, што не објасни колегата?“

„Немам процент од тоа, зошто да се трудам да го продадам, што ако е продукт на мојата компанија?“

Желба им е да бидат невидливи, наместо да доминираат и да се истакнат.

Да поминат по линија на најмал отпор.

Да не се потрошат.

Да седат бесполезно.

Да бројат часови до крај на ден.

Да сработат денес ако може помалку од вчера.

А утре? Утре помалку и од денес!

Да ти побараат документи (непотребни), да те префрлат на другиот сектор, да се трудат сo сè што е во нивна моќ за да не ти завршат работа – тебе, како клиент.

Ниту има грижа за корисници, ниту грижа за подобро утре на компанијата.

Сокриени како стаорци под биро, буквално.

И затоа така кај нас сè е на туркање и нефункционално.

Ако дадеш повеќе од себе – нема да се потрошиш! Ќе пораснеш и интелектуално и енергетски и како кадар.

А и работата е дел од убавината на животот, нешто што прави да си исполнет и полезен...

Поразговарајте си со некој пензионер и конечно пронајдете си страст и љубов за тоа што го работите. Или сменете ја работата, не тормозете народ, и работете нешто што го сакате.

Задоволство? Ќе има! Ефикасност? Уште повеќе...

Содржината и ставовите изразени во авторските текстови и колумни претставуваат лични ставови на авторот и не мора нужно да ги одразуваат ставовите на редакцијата на порталот CRNOBELO.com

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело