Постери и наградни прашања од времето кога нè држеше возбудата за Млади Бунтовници

Се сеќавате ли на времето кога брзавме да го земеме најновиот број од весникот во кој ги раскажуваа епизодите со фотострипови, имаше наградни прашања и по еден постер од омилената серија?

Дали и вие во времето на Млади Бунтовници ги читавте фотостриповите од весниците во кои беа прераскажани епизодите и ги одговаравте прашањата за наградна игра?

„Прочепкавме“ низ нашите фиоки каде ги чуваме спомените од детството, а веднаш покрај детската пошта, стои папка полна со исечоци од весници и постери со ликовите од Млади Бунтовници.

Бунтовниците од Elite Way School ни беа омилени, па со задоволство како и многу други, ги чуваме постерите од весниците и детските списанија, кои доаѓаа во различни делови кои требаше да ги склопиме или со сликички кои треба да ги залепиме на нив.

Во продолжение ве потсетуваме на далечната 2004-та кога тинејџерската серија ни беше поважна од сè. 

Ги собиравте ли постерите од весниците кои понекогаш одеа во делови со секој различен број?

На следната страна потсетете се на исечоците од весниците, фотостриповите и проверете дали знаете да одговорите на прашањата...