Се вративме назад во времето кога собиравме детска пошта (фото)

Можеби звучи чудно, но има многу луѓе кои уште од детството си ја чуваат колекцијата од шарени ливчиња т.н. детска пошта – како изгледаше вашата колекција?

Детска пошта, собирање салфетки, разменување со сликички – се сеќавате ли на деновите од безгрижното детство кога овие работи ни беа најважни?

Да собереме што повеќе сликички, да ги размениме дупликатите, да ги имаме најубавите салфетки кои си ги собиравме од сите родендени и прослави... нешто што денешните деца веројатно не можат да го доживеат.

Сите сакаат да се потсетат на тие безгрижни денови кога ги молевме родителите да ни купат што повеќе детска пошта и да останеме уште малку подолго надвор за да ги размените сите дупликати.

Па, доколку уште ги чувате детската пошта, салфетките и сликичките од детството, направете една чистка низ фиоките и шкафчињата – ќе бидете изненадени што сè ќе најдете и колку убави спомени ќе ви разбудат кутиите полни со ливчиња.

Ние се обидовме да „прочепкаме“ низ нашите кутии од детството и успеавме да најдеме детска пошта поделена во неколку категории.

Ливчиња и сликички кои ќе ви предизвикаат носталгија по детството:

Барби ливчиња 

Ливчиња со Дизни ликови и животинчиња

Ливчиња со детски ликови 

Ливчиња и сликички од омилените серии (Млади бунтовници и Касандра)

Ве предизвикуваме да ја најдете вашата колекција и да ја споделите...

М. М. | Црнобело