Замислете ја најголемата желба за идната година...

Сонувајте со отворени очи, непрекинато. Точно на полноќ, со цело ваше битие посакајте ја желбата и искрено прегрнете ги оние кои изминативе 365 дена ви ги направија магични, инспиративни, поинакви...

Љубете силно, гушкајте нежно, бакнувајте страстно... Нека секој ден биде празник на љубовта.

За идната година, ви посакуваме бескрајна инспирација за нештата кои сакате да бидат дел од вашиот свет.

Барајте инспирација во ситниците кои живот значат, еден ден ќе сфатите колку се тие големи и ве прават живи.

Животот е краток. Времето лета. Тоа обично најдобро го согледуваме на крајот од годината.

Затоа во идната Нова, правете ги само оние нешта кои ви причинуваат радост.

Бегајте од негативните луѓе, не читајте вести од црна хроника, не коментирајте во негативен контекст.

На крајот од денот, неделата, месецот, бројте ги само оние моменти кои ве направиле бескрајно радосни.

M. К. | Црнобело