10 животни вистини кои пребрзо ги забораваме

Ги знаете оние реченици кои ги слушате по најмалку 100 пати во животот, пред вистински да допрат во вас? Овие животни лекции се токму такви – добро познати, но лесно заборавени.

1. Човечкиот живот е премногу краток

Длабоко во себе знаете дека еден ден, кога ќе ви се истекуваат последните денови во животот, ќе се сетите на оваа реченица која многупати ја заборававте.

Таа го опишува она чувство кога се искачувате по скалила, а истовремено сте отсутни со главата. Тогаш, погрешно ја проценувате последната скала. Очекувате да има уште една, но грешите. Тоа е моментот кој ви ја нарушува рамнотежата и често пати ви го враќа умот во сегашноста.

Затоа, живејте го својот живот денес! Не ја игнорирајте смртта, но не и се плашете. Бидете храбри. Бидете одлучни. Бидете свесни за секој следен чекор кој го правите.

2. Ќе го живеете животот кој сами ќе го создадете

Вашиот живот е само ваш. Другите може да ве уверуваат во нешто, но одлуката лежи длабоко во вас. Другите може да одат покрај вас, но не и наместо вас.

Затоа, погрижете се патот кој го одите да биде во рамнотежа со вашата интуиција и желбите. Никогаш не се плашете да го промените патот, само затоа што се чувствувате дека веќе предолго стоите во едно исто место.

3. Да бидеш зафатен не значи дека си продуктивен

Иако зафатеноста може да ве направи да се чувствувате продуктивни, верувајте де тоа е само нереален привид.

Ако немате време за семејството, пријателите и сопствените желби - не се продуктивни! За жал, цифрите во платата не ги надоместуваат убавините.

4. Размислувањето и делувањето се две потполно различни работи

Успехот никогаш нема да дојде да ве побара, додека вие размислувате за него.

Имајте на ум дека ако го чекате моментот кога ќе бидете 100% подготвени за акција и нов почеток, веројатно ќе остарете чекајќи.

5. Пред огромниот успех секогаш има неколку стотици грешки и падови

Повеќето грешки во текот на животот се неизбежни. Подобро е да научите како да си ги простите.

Не е проблем да погрешите, но голем проблем е ако од тој пораз не излезете со лекција, цврсто заклучена во вашата глава.

Само затоа што работите кои ги посакувате не се случуваат сега, не значи дека никогаш нема да се случат. Понекогаш, работите мора да бидат многу погрешни пред да станат правилни.

6. Не чекајте извинување за да простите

Животот е многу полесен кога ќе научите да ги прифатите извинувањата кои никогаш не сте ги добиле.

Лутината од минатото е совршен начин за да ја изгубите среќата во сегашноста.

7. Некои луѓе едноставно се погрешен избор за вас

Подеднакво сте важни како и луѓето во ваша околина, па затоа бидете доволно храбри да ги отпишете оние кои ве влечат кон дното.

Има многу луѓе кои ќе ви дадат енергија и ќе ве поттикнат да бидете уште подобра верзија на себеси... Нема смисла да си го трошите времето на оние другите.

8. Другите немаат обврска да ве сакаат - тоа е ваша работа

Да, важно е да се однесувате добро и пристојно кон другите, но уште поважно е да го правите истото кон себе.

Никогаш не се гледајте себеси низ туѓите очи. Откријте ги своите вредности и зачувајте ги само за себе.

Оние кои ќе сакаат - ќе ги видат, колку длабоко и да се скриени во вас.

9. Не се дефинирате според она што го поседувате

Добрата диплома и работа, скапиот автомобил и средената куќа не се гаранција за среќа. Предметите се само предмети и немаат апсолутно никакво влијание врз вашата личност.

Звучи тажно, но што ако еден ден се разбудите без семејството, пријателите, љубовта, искуството, плановите и стравовите кои ги имате во животот?

10. Сè се менува, секоја секунда

Прегрнете ја промената и разберете дека таа се случила со причина. На прв поглед, тоа нема да ви биде јасно и очигледно, па затоа дајте си време.

Луѓето и можностите си заминуваат. Но, животот не престанува во таа секунда.

Без оглед на тоа колку ви е добро или лошо во моментов, веќе следната секунда ќе биде поинаку. И тоа е единствената работа во која можете да бидете сигурни.