Кире Лазаров за CRNOBELO лексикон: „Кошарка ми е омилен спорт, обожавам македонска народна музика“

Детали

петок, 16 февруари 2024

„Многу сакав да играм џамлии и фудбал на улица со другарите. А бев голем бељаџија како дете“, напиша селекторот Кире Лазаров во нашиот лексикон.

Кире Лазаров, селекторот на ракометната репрезентација на Македонија, се потпиша во лексиконот на CRNOBELO.com.

Во искрен разговор за своите тинејџерски денови, тој ни откри дека бил голем бељаџија како дете и често знаел да се степа, а дека најмногу уживал кога со другарите од детството, кои му се искрени пријатели и денес, играл џамлии или фудбал на улица.

Дали се сеќава на првата симпатија, кои му се омилените песни и во кое доба би се вратил ако има временска машина, прочитајте во лексиконот:

1. Како се викаш и дали имаш прекар?

Кирил Лазаров, немам прекар.

2. Колку години имаш и што си во хороскоп?

43 години, роден сум на 10 мај 1980, а во хороскоп сум Бик.

3. Која ти е омилена песна? Пејач и пејачка?

Калиопи и Каролина Гочева ми се омилени пејачки, а песни се „Една песна јас да запеам“ и „Налеј, налеј“.

4. А омилена книга?

„Калуѓерот што го продаде своето Ферари“ од Робин Шарма.

5. Омилен глумец, глумица?

Џим Кери и Анџелина Џоли.

6. Имаш ли омилен спорт, клуб, спортист? За кого навиваш?

Омилен спорт ми е кошарка, а клуб Barcelona. Омилени спортисти ми се Новак Ѓоковиќ и Лионел Меси. Инаку навивам за Barcelona и за клубовите каде што тренер е Пеп Гвардиола.

7. Имаш ли милениче? Како се вика?

Да, имам куче Тоби.

8. Кој ти е среќен број?

7.

9. Кој ти е омилен виц?

Немам омилен виц што го кажувам, иако сакам да слушам и читам вицови.

10. Кој ти е омилениот пијалак? А храна?

Сакам да пијам кафе и вино црвено. А од храна омилено ми е пилешко во кари сос со ориз.

11. Кој ти е најдобар другар/ка? Колку долго се дружите?

Имам многу добри и искрени другари со кои се дружам уште од детството.

12. Каков ученик беше? Кој ти беше омилен предмет?

Бев солиден ученик, но немав многу време да се посветам на училиштето поради ракометот. Но, омилен предмет ми беше историја.

13. Кој ти е идол (а да не е позната личност)?

Немам таков.

Продолжува на следната страница...