Марко Митев за CRNOBELO лексикон: „Ми се исполни детската желба да бидам успешен ракометар“

Детали

петок, 21 февруари 2025

„На голем одмор шутнав топка и скршив неонка во училишниот ходник“ - напиша ракометниот репрезентативец Марко Митев во нашиот лексикон како одговор на прашањето „Која е најголемата беља што ја направил во животот“.

Марко Митев, ракометарот на скопскиот клуб „Алкалоид“, е еден од најдобрите млади ракометари во нашата репрезентација.

Со својата одлична игра Марко се наметнува како еден од лидерите во репрезентацијата, а доказ за тоа е што двапати беше избран за играч на натпреварот на Светското ракометно првенство 2025.

Марко се потпиша во лексиконот на CRNOBELO.com и ни откри работи за себе кои не се многу познати во јавноста:

1. Како се викаш и дали имаш прекар?

Марко Митев прекар Митка.

2. Колку години имаш и што си во хороскоп?

Имам 21 година (за неколку дена 22), роден сум на 23.02.2003, а во хороскоп сум Риба.

3. Која ти е омилена песна? А пејач и пејачка?

Омилена песна ми е Hotel Room Service – Pitbull.

4. А омилена книга?

„Цели” од Брајан Трејси.

5. Омилен глумец, глумица, филм, серија?

Омилена серија моментално ми е Prison break.

6. Имаш ли омилен спорт, клуб, спортист? За кого навиваш?

Омилен спорт ми е ракомет, но често знам да гледам и фудбал.

Омилен фудбалски клуб ми е Chelsea.

7. Имаш ли милениче? Како се вика?

Имам маче, се вика Мими.

8. Која е најчудната/најсмешната порака што си ја добил на Инстаграм?

Не можам да се сетам на некоја посебно.

9. Што сакаше да бидеш кога ќе пораснеш?

Веќе сум она што отсекогаш сакав да бидам - успешен ракометер.

10. Кој ти е омилениот пијалак? А храна?

Омилен пијалак ми е Schweppes, а омилена храна леќа.

11. Кој ти е најдобар другар/ка? Колку долго се дружите?

Имам повеќе со кои што се знам од најрано детство.

12. Каков ученик беше? Кој ти беше омилен предмет?

Бев одличен ученик, а омилен предмет ми беше физичко.

13. Кој ти е идол (а да не е позната личност)?

Мајка ми.

14. Кога би можел да си лик од цртаните, кој лик би сакал да бидеш?

Попај морнарот.

Продолжува на следната страница...