Годишен хороскоп за 2023: Бик

Пријателите и роднините ќе бараат објаснувања од вас и ќе ве туркаат да донесете некоја храбра одлука кога станува збор за љубовниот живот. Очекувајте нов партнер со смели ветувања и изјави за верност и лојалност. Биковите во 2023 година на поле кариера ќе стекнат многу ново знаење и ќе применат лекции од искуствата од претходната година.

Првиот месец од 2023 година ќе биде совршен за да се изразите себеси и своите идеи. Клучот на успехот во 2023-та ќе ви биде внимателното планирање.

Користете ги вашите организациски способности за да ги реализирате целите кои ги имате на ум. Верувајте дека можете и ќе успеете во тоа.

Ќе имате возбудлива година, но на моменти ќе мора да се штипнете самите себе за да се вратите во реалноста и малку да се приземјите.

Ќе бидете дел од многу значајни социјални настани, но нема да заборавите и на хуманитарната работа, иако на моменти ќе имате толку многу обврски што ќе ја доживувате како товар и работна обврска, а не задоволство.

Дозволете им на децата од вашата околина да ве заразат со енергијата и да направат да започнете да гледате на работите на нов и посвеж начин.

Ќе имате хармонија на секое поле, а од среќа на моменти ќе посакате и да танцувате. Сепак, со некои непријатни личности запомнете дека не смеете да ги изгубите толеранцијата и трпението.

Работа и финансии

Биковите во 2023 година ќе стекнат многу ново знаење и ќе применат лекции од искуствата од претходната година.

Некои проекти и работни предизвици ќе ви го тестираат трпението, но вие ја имате способноста да се адаптирате на промените.

Работите кон средината на годината ќе добијат нов возбудлив тек, а можно е дури да се одлучите комплетно да ја промените кариерата. Го имате вистинскиот став за смели експерименти.

Во 2023-та убаво е да се фокусирате на штедење, односно на рационално користење на финансиите.

Не правете ризични и импулсивни потези и не трошете на екстравагантни задоволства. Во ред е да мислите на инвестиции, но на сериозни, цврсти и добро изанализирани проекти.

Ќе бидете многу мотивирани да преземате иницијатива и можно е да започнете и свој бизнис, во кој ќе го вложите сето ваше искуство и стекнати вештини.

Дури и оние Бикови кои нема да имаат спектакуларни промени на поле кариера, треба да се посветат на дополнително образование, на курсеви и тренинзи, за да го задржат своето работно место стабилно.

Мора да научат како да комуницираат со тимот за да не се најдат во критични ситуации.

Љубов

Кога станува збор за љубовта, на Биковите ќе им мине годината во духот на неа, без разлика дали се слободни и трагаат по неа или пак се во врска и се фокусирани како таа врска да опстане по секоја цена.

Вам ви е тешко да го предадете кормилото некому, но годинава сте подготвени да го направите тоа во име на љубовта.

Ако сте во сериозна врска можно е да ја крунисате со брак кон крајот на годината. Ќе имате одлична можност за започнување на нова етапа со партнерот.

Бидете внимателни со искрата која може да ви се појави со колега/колешка од работното место. Не дозволувајте да ве намами новото и непознатото. Сетете се што имате покрај себе.

Ако сте сингл, пријателите и роднините ќе бараат објаснувања од вас и ќе ве туркаат да донесете некоја храбра одлука кога станува збор за љубовниот живот.

Помеѓу јануари и март можно е да треба да им давате објаснување на нив за некои свои одлуки, но ако се наоружате со трпение и внимателно ги ислушате, тогаш ќе сфатите дека тие ви посакуваат само добро.

Откако ќе завршат тензиите, природно ќе се опуштите и вие, па ќе зрачите со една нова свежа енергија и тоа ќе доведе до нова љубовна врска, исполнета со многу страст. Оваа личност навистина ќе ве инспирира.

Очекувајте вашиот нов партнер да ви дава смели ветувања и изјави за верност и лојалност. На моменти ќе чувствувате дека сте дел од некаков триаголник и ќе имате испади на љубомора, но навистина нема потреба од тоа.

Конечно ќе поставите здрави граници, ќе се третирате себеси како приоритет и ќе имате високи очекувања од другата личност.

Во втората половина од годината ќе треба да донесете некоја навистина комплексна одлука и тоа за официјализирање на врската или купување на нов дом. Брзината со која ќе се одвиваат работите, малку и ќе ве исплаши.

Годинава дури и да не го пронајдете тоа што го барате на љубовен план, посветете се на пријателствата и патувањата, тие ќе ви донесат нови искуства за какви сте жедни.

Само зборувањето за патувањата и креирањето на листа што сè да посетите ќе ве исполни со убава енергија.

Исто така, почнете малку повеќе вие да го правите првиот чекор, наместо секогаш да чекате некој да ви се додворува прво на вас.

Имајте цврст став и самодоверба и посегнете по тоа што го сакате. Зошто 2023 година да не ви биде обоена во најсилната црвена нијанса на страста?

Здравје

2023-та е годината кога треба малку повеќе да мислите на своето здравје, а пред сè на балансираната храна и физичката активност.

Исто така, клучно е да пронајдете повеќе време за своето креативно хоби, кое ќе ви дозволи да ја ослободите фантазијата, а со тоа позитивно ќе ви влијае врз менталното здравје.

Како и секогаш, фокус на интерес ќе ви биде домот и најзадоволни и најисполнети ќе бидете кога ќе ја пронајдете вистинската доза помеѓу работа и забавата.

Минувањето време во природа ќе ви го регенерира здравјето, а боите како кафеава и зелена, кои се симбол на мирот и хармонијата, убаво би било да ги внесете и во уредувањето на ентериерот на вашиот дом.

Само не смеете да дозволите со вас да доминира љубомората затоа што тоа ќе ви креира непотребни сомневања во луѓето кои ве сакаат и ги сакате, а со тоа следуваат и несоница и хроничен умор.

Мислете прво на себе, а работите сами ќе си се подредат на секое поле.

фото: depositphotos.com