Љубовен хороскоп за ноември 2021: Скорпии – бившиот партнер ќе ве прогонува, Стрелци – афера со зафатена личност

Некои ќе имаат среќа да ја најдат сродната душа, а други подобро е да не влезат во врска, затоа што може да завршат со некоја проблематична или посесивна личност. Кои знаци треба да бидат внимателни?

Во поглед на љубовен план, претпоследниот месец во оваа 2021 година кај поголем дел од хороскопските знаци ќе донесе пресвртница.

За некои знаци ќе значат и конечно раскинување, други ќе бидат прогонувани од бившата љубов, а минливите афери може да им донесат и низа непријатности.

Овој месец на некои од хороскопските знаци ќе им донесе хармонија во врската, а на други им се заканува раскинување. Кои знаци треба да бидат особено внимателни?

Овен

Ако сте во врска:

Согласни сте со партнерот дека треба повеќе да поработите на заедничките цели. Во првата половина од месецот можни се несогласувања и расправии околу излегувањата со пријателите и вложувањето на заедничките финансии. Во втората половина од месецот полесно ќе постигнете компромис за прашањата за коишто не сте се согласувале, па на саканата личност ќе ѝ подарите нешто што подолго време сте посакувале да ѝ го подарите.

Ако сте слободни:

Можна е нова врска со некоја личност со која ќе се запознаете преку работењето на некој заеднички проект. Станува збор за некоја амбициозна личност со стабилен карактер што е мошне заинтересирана за сериозна врска. Повозрасните Овни имаат потреба да најдат личност со која би можеле да започнат сериозна врска на долги патеки и најверојатно оваа желба ќе им се исполни.

Бик

Ако сте во врска:

Ќе имате несогласувања со партнерот затоа што тој сака да ја наметне својата доминантна страна, а вие имате потреба да бидете во целост слободни и независни. Секој држи до своето и не попушта. Проблемите ќе станат уште понагласени во втората половина на месецот, поради што можно е да дојде до раскинување на врската. Единствено може да ви помогне доколку бидете во целост искрени и подготвени да се приспособите на ситуацијата.

Ако сте слободни:

Лесно ќе наоѓате луѓе што ве привлекуваат, но постојано наоѓате некој недостаток кај нив. Можно е непромислено да влезете во врска со некоја нова личност, па потоа да се соочувате со проблемите поради големиот број разлики и несогласувања. Можно е нештата да ескалираат и до физичко насилство. Најдобро е да се обидете да не влегувате во нови врски овој месец.

Близнаци

Ако сте во врска:

Овој месец ѕвездите ви се насмевнуваат на љубовен план. Со партнерот ќе си давате заемна поддршка во сите аспекти од животот, ви се подобрува комуникацијата и можно е некое романтично патување. Во втората половина од месецот можни се несогласувања откако ќе сфатите дека партнерот крие нешто од вас, но тој проблем брзо ќе го надминете и ќе се вратите на првичната хармонија во врската.

Ако сте слободни:

На почетокот на месецот ќе запознаете личност со која ќе можете да водите отворени и искрени разговори. Ова пријателство може брзо да разбуди обострани емоции, а при крајот на месецот веројатно е почнување на нова врска што ќе биде долгорочна и хармонична. Повозрасните претставници на знакот можно е да ја најдат својата сродна душа.

Рак

Ако сте во врска:

Ќе имате повеќе трпение за партнерот и ќе се посветите на остварувањето на заедничките цели. Добро сте расположени и ќе ја подобрите комуникацијата. Сомнежите кај партнерот што ќе се јават во втората половина на месецот ќе предизвикаат недоверба, по што се можни проблеми, тензична атмосфера и меѓусебни обвинувања. Искрениот разговор на крајот од месецот ќе ви помогне да увидите дека можеби и сте ги преувеличиле нештата.

Ако сте слободни:

Можно е зближување со некоја личност што ја познавате од порано, но која живее на некое друго место или во странство. Првичните симпатии ќе се развијат во емоции и можно е да се договарате за брза средба со што ќе ви се отвори можност за нова и хармонична врска. Повозрасните Ракови лесно се вљубуваат но не се сигурни дали сакаат сериозна врска или кратка авантура.

Лав

Ако сте во врска:

На почетокот на месецот ќе имате поголемо разбирање и полесно ќе постигнете договор со саканата личност. Но, вашето постојано одложување на некои приоритетни проблеми може да предизвика поголем број проблеми и несогласувања, што ќе ескалира и во расправии за остварувањето на заедничките цели. Дури кон крајот на месецот ќе успеете да ги намалите тензиите и да постигнете согласност за решавање на проблемите.

Ако сте слободни:

Ќе бидете заинтересирани подобро да се запознаете со некоја личност што ќе ве привлече со сопствениот оптимизам и интелектуалните способности. Сепак, ќе почнете да забележувате дека имате различни погледи за некои работи во животот. Емотивната врска би можела да се развие само доколку почувствувате и силни заемни емоции. Повозрасните Лавови имаат мошне високи критериуми за личноста со која сакаат да се поврзат и тоа може да доведе до оддалечување.

Девица

Ако сте во врска:

Ќе поминувате повеќе време со саканата личност и ќе имате одлична меѓусебна комуникација. Ќе знаете како да ги исполните сите желби на партнерот и ќе почнете разговори за повеќе важни теми, а љубовната врска ќе ви биде на прво место, пред другите професионални, приватни и општествени обврски. На тој начин ќе ги надминете сите препреки и ќе постигнете поголема стабилност во врската.

Ако сте слободни:

Во постојана потрага сте по личноста за која долго време сонувате, а некои среќни околности ќе ве доведат до запознавање со некоја личност што ќе има слични критериуми и очекувања од љубовта. Можно е брзо вљубување и започнување заедничка врска која може да доведе до заеднички живот. Повозрасните Девици можно е да се обидат да започнат врска со некоја личност со која подолго време биле во „врска без обврски“.

Уште шест знаци на следната страна...