Моден хороскоп: Девица

Спротивно на лавиците, прилично одмерените Девици оставаат впечаток на совршени дами на кои речиси сè им е онака како што посакуваат, на свое место. Мајстори се за подреденоста на работите. Големи педантерии, понекогаш дури и ситничари. Гардеробата ја одбираат многу внимателно, гледаат да биде едноставна но да им стои како кроена за нив.  Имаат одличен вкус за минималистичкиот стил и не сакаат некои екстремни промени и стилови.

Жените Девици ги краси класичниот стил на облекување, без претерано нападни детали. Тие ја сакат облеката беспрекорно чиста, испеглана, а пред сè секогаш да изгледа како нова. Девиците не се љубители на преполн гардеробер со облека чија намена не се знае со години. Тие купуваат исклучиво облека која им е неопходна и ја купуваат наменски, што често пати ја оправдува превисоката цена.

Девиците посебно пребираат материјали и често на себе сакаат да имаат чист памук заради нивната осетлива и нежна кожа. За жените родени во овој знак најчесто ќе искоментирате како се секогаш средни од глава до пети, без разлика дали на себе имаат гламурозен фустан или едноставно здолниште. За нивниот секојдневен стил доволно е да искомбинираат здолниште, кошула, сако, потпетици и чанта. Секој детал е добредојден, но ако е изработен исклучиво од скапи, драгоцени материјали и камчиња. Тоа ги прави да се чувствуваат како кралици.

Големите аксесоари ги избегнуваат. Најдобро им прилега сината боја, сивата, белата и сите останати нежни, светли бои. Со оглед на тоа колку водат сметка за облеката, нивното мото е „помалку е повеќе“. Овие жени ќе ги препознаете по нивната префинетост и перфекционизам кој се чини дека нема крај.

Модни предлози за жените родени во овој знак:

Идеални претставнички на овој знак: