Како да најдете духовен мир и да се справите со стресот, според хороскопот?

Бик - За да постигнат поголем баланс во животот, неопходно е да научат да почнат да го ценат мислењето на другите луѓе и да отстапат од својата тврдоглавост.

Дали секојдневно се справувате со анксиозни мисли и се чувствувате дека стресот не ви дава да се опуштите?

Според астролозите, секој хороскопски знак има свои карактеристики, свои добри страни и маани, па за да најде душевен мир треба да си постави одредени правила и ограничувања.

Што треба да направите вие за да можете да најдете поголем душевен мир и да се справите со стресот?

Прочитајте во продолжение:

Овен

Станува збор за страствени, динамични и самоуверени личности, а најголема маана им е нетрпеливоста и тоа што често реагираат брзо и импулсивно.

За да постигнат поголем баланс и душевен мир, овие луѓе треба да се потрудат во секојдневието да имаат поголем баланс помеѓу времето наменето за работа и за одмор.

Исто така, неопходно е да се сконцентрираат само на оние работи што се важни и да научат да ги одбиваат сите непотребни обврски.

Кога имаат вишок енергија добро е да се занимаваат со физички активности, а спортот што најмногу може да им е помогне е боксот.

Најдобро се смируваат со готвење, читање или градинарство, а понекогаш е неопходно и да се обидат да побараат помош и совет за ненасилна комуникација.

Бик

Важат за доверливи, топли и одлучни луѓе, но проблемот е што понекогаш се нефлексибилни, посесивни и полни со презир.

За да постигнат поголем баланс во животот, неопходно е да научат да почнат да го ценат мислењето на другите луѓе и да отстапат од својата тврдоглавост.

Прошетките во природа се одлични секогаш кога се чувствуваат дека немаат излез, а неопходно е секогаш да размислуваат и за последиците што нивните одлуки ги имаат и врз другите луѓе.

За да се смират, добро е да почнат да медитираат, а може да им помогне и ароматерапијата.

Близнаци

Важат за интелигентни, сестрани и мошне темпераментни личности, а маана им е тоа што често знаат да бидат напнати, да кројат планови за одмазда и да бидат непостојани.

За да постигнат поголем душевен мир, треба да се обидат да не стануваат работохоличари и секогаш да си го поставуваат прашањето дали работат повеќе отколку што е потребно.

Исто така, неопходно е да водат повеќе сметка за исхраната и да не ги прескокнуваат оброците.

Техниките на визуелизација, топлата купка и длабокото дишење, се само некои од оние алатки со кои може да се послужат во миговите кога чувствуваат немир и анксиозност и кои треба да ги применуваат секојдневно за да бидат посмирени.

Рак

Тие се грижливи, интуитивни личности што се грижат за другите. Но, често знаат да се справуваат со променливи расположенија, лесно се навредуваат, а потоа тешко им е да заборават кога некој ќе ги повреди.

За да постигнат поголем душевен мир, неопходно е да научат прво да се грижат за себеси и за сопствената добросостојба, а потоа за другите.

Вежбите со медитација, јога, таи чи се одлични за да ги научат да ја насочат повеќе енергијата кон себеси.

Мора да научат понекогаш да застанат мирно и да не дозволуваат други да им го наметнуваат темпото во животот, а најважно е да сфатат дека треба да се ослободат од негативните мисли, што не им носат ништо добро во животот.

Лав

Лавовите се храбри, креативни и лојални личности, но често имаат проблем со тоа што го наметнуваат сопственото мислење, сметаат дека секогаш се во право и немаат толеранција за другите.

За да најдат душевен мир, неопходно е да научат да ги слушаат луѓето околу нив и одвреме-навреме да им дозволат на другите да го имаат главниот збор.

Исто така, потребно е да научат да одвојуваат време само за себе, кое ќе го поминат работејќи ги работите што нив ги прават среќни.

Особено е важно да научат да внимаваат на исхраната, да не се прејадуваат со мрсна и зачинета храна која ги прави да се чувствуваат прејадено и без енергија.

Девица

Аналитични, практични и доверливи личности. Маана им е тоа што се перфекционисти, премногу критички настроени и намќорести.

За да постигнат поголем душевен мир, неопходно е да научат дека понекогаш е во ред да побегнат од рутината и секојдневието и да си дозволат себеси да бидат спонтани.

Мора да научат да си простат прво себеси, а потоа и на другите за грешките што ги направиле.

Пешачењето и танцот се совршени активности, што ќе им помогнат да се ослободат од вишокот енергија.

На крај, мора да научат да ги стишат гласовите во својата глава и да сфатат кога се премногу самокритични и да научат негативните мисли да ги заменат со позитивни.

Уште шест знаци на следната страница...