4 хороскопски знаци кои самите се саботираат (и како да престанат)

Лавови, вие сте горди и имате огромна самодоверба, но поради ова ви е тешко да прифатите критика која ќе ви помогне да се подобрите и да постигнете некоја цел.

Некогаш неуспехот е неизбежен.

Без разлика што се трудиме и го даваме најдоброто од себе, едноставно, нема да успееме.

Но, некои луѓе како самите да си ја уништуваат секоја шанса за успех и среќа со нивното однесување.

Кoи хороскопски знаци спаѓаат овде?

Овен

Настојувате да бидете импулсивни и тврдоглави, па неретко делувате без да размислите многу.

Сакате веднаш да видите резултат и кога ќе наумите нешто, сакате веднаш да биде остварено.

Нo, оваа желба за контрола некогаш ви го забавува прогресот и води до конфликти кои на крај прават да се чувствувате фрустрирано, под стрес и анксиозно.

Како да си помогнете?

• Бидете трпеливи и размислете за последиците пред да направите нешто.
• Станете посвесни за вашите постапки за да забележите кога делувате импулсивно.
• Активно слушајте ја туѓата перспектива за да избегнете конфликти.

Лав

Вие сте горда личност со огромна самодоверба, но некогаш овие карактеристики се манифестираат како тврдоглавост.

Честопати ви е тешко да прифатите критика или да земете предвид нечие мислење, па убедени сте дека самите треба да правите сè.

Но, ова го ограничува вашиот развој и има лошо влијание врз односот што го имате со другите.

Како да си помогнете?

• Бидете скромни – не сфаќајте сè лично и бидете отворени кон критика.
• Вклучете се во активности каде што треба да работите во тим.
• Покажете благодарност и славете ги и туѓите достигнувања, не само вашите.

Скорпија

Кај вас, најголем проблем е желбата за контрола.

Сакате да бидете главни и постојано да знаете што се случува. Проблемот е што неретко се сомневате во способноста на другите и им се лутите.

Со ова сами си поставувате пречки и во вашиот развој, и во градењето на добриот однос со другите.

Како да си помогнете?

• Поработете на довербата во другите и дајте им простор да ги споделат нивните идеи.
• Научете да простувате – не само на другите, туку и себеси.
• Бидете поотворени и немојте постојано да ги криете вашите мисли и чувства.

Јарец

Вие сте амбициозни и посветени, но проблемот е вашиот перфекционизам, но и огромната самокритичност.

Страв ви е од неуспех и од тоа дека можеби нема да ги исполните високите стандарди што си ги поставувате самите.

Но, превисоките очекувања некогаш ве парализираат и ви стојат на патот до успехот.

Како да си помогнете?

• Покажете емпатија, но кон себе, и сфатете дека совршенството е нереално.
• Поставете си реалистични и мали цели кои брзо и полесно ќе ги остварите.
• Воспоставете рамнотежа во животот и наоѓајте време за одмор и релаксација, немојте само да работите.

Спирова С. | Црнобело