Како сами се саботирате во животот, според хороскопскиот знак?

Овни, вие не можете да признаете кога не сте во право или кога ќе направите грешка.

Колку и да сакаме да бараме вина во некој надворешен фактор, некогаш самите сме виновни за нашите неуспеси.

Со некои навики, несвесно си ја саботираме среќата, што значи треба да ги воочиме и да ги промениме.

Како сами се саботирате во животот, според хороскопскиот знак?

Овен

Вие не можете да признаете кога не сте во право или кога ќе направите грешка.

Точно е дека во повеќето ситуации сте во право и знаете што треба да правите, но и вие сте само човек кој одвреме-навреме греши.

Но сепак, вашето его е преголемо и сметате дека е засрамувачки да признаете дека сте погрешиле.

Но, ако добро размислите, изгледате многу полошо во очите на другите доколку не им признаете кога грешите, а тие се свесни за тоа.

Ќе се чувствувате многу подобро ако прво себеси си признаете дека не сте совршени, а понекогаш и прифатете некоја добронамерна критика.

Бик

Предолго ги одолговлекувате обврските.

Убедени сте дека сте најефикасни кога сте под притисок, па поради ова сметате дека е паметно да чекате до последен момент.

Но, ова значи дека неретко, не завршувате добра работа бидејќи немате време. Односно, предолго одолговлекувате и почнувате со работа дури кога е премногу доцна.

А ова, секако, ви создава анксиозност и непотребен стрес.

Мора да научите да си го организирате времето, да ги одредувате вашите приоритети и кога треба да направите нешто, направете го веднаш, а не утре или некој друг ден.

Близнаци

Премногу сте опседнати со грешките на другите.

Точно е дека во повеќето ситуации сте во право кога ги анализирате туѓите грешки. Но, поради ова не ни обрнувате внимание на вашите.

Истовремено, никако не прифаќате критика, без разлика што вие ги критикувате сите околу вас.

А, бидејќи се фокусирате само на она што го прават другите, вие всушност немате можност да научите од вашите грешки и да се подобрите и сето ова има негативно влијание врз вас.

Добро погледнете се во огледало и поработете малку на себе, а дури потоа помагајте им на другите.

И, не заборавајте дека не е на вас да ги исправате туѓите грешки.

Рак

Премногу сте добри кон оние кои не го заслужуваат тоа.

Дел од вашата природа е да бидете грижливи и сочувствителни, па секогаш им простувате на другите и им помагате на оние на кои им треба помош.

Проблемот е што не секој заслужува прошка и не секој ја заслужува вашата помош.

Ако не престанете со ова, ќе се истрошите и нема да ви остане енергија да се грижите за себе.

Истовремено, многу луѓе ќе пробуваат да ја злоупотребат вашата добрина.

Најважната лекција што треба да ја научите е дека не треба да бидете предобри со буквално сите – чувајте ја добрината за оние кои навистина го заслужуваат тоа.

Лав

Премногу сте арогантни и не постои личност со его како вашето.

Добро е да имате самодоверба, но не до тој степен што другите ќе ве презираат.

Ретко кој ги сака луѓето кои постојано се фалат со своите достигнувања, па и со најневажни работи, а притоа „газат“ врз сите.

Не сте добра личност ако постојано им кажувате на сите колку сте добри. Туку, добра личност сте ако се однесувате како таква.

Пробајте малку поретко да зборувате за себе и почнете да ги слушате и другите.

Одвреме-навреме во ред е да се пофалите за нешто, но сведете го тоа на минимум.

И, полесно ќе се опкружите со луѓе кои ве ценат и сакаат, но и ќе ви отворат разни можности.

Девица

Премногу сте критички настроени кон себе.

За разлика од Лавот, кој не знае да се критикува, вие го правите само тоа.

Постојано се обвинувате себеси и тоа не само за вашите проблеми и грешки, туку и за работи кои се потполно надвор од ваша контрола.

Кога ќе слушнете дека се случила неправда на другиот крај од светот, вие се обвинувате себеси.

Ако некој се однесува лошо кон вас, убедени сте дека вие сте направиле грешка.

Оваа навика ви ја убива среќата, но и секоја шанса за успех бидејќи ви ја разнишува самодовербата.

Пробајте да бидете подобри кон себе.

Продолжува на следната страница...