Што открива за вас начинот на којшто ја носите чантата?

Чантите не се само моден додаток, тие се непходен дел од секојдневниот живот, но дали некогаш сте се запрашале што говори за вас начинот на кој ја носите чантата со себе?

Според експертите за говор на телото начинот на којшто ја носиме чантата во голема мера говори за нашата личност.

Според докторката Кетрин Хендрикс, која е автор на повеќе книги за говорот на телото, може да се издвојат неколку главни начини на кои дамите ги носат чантите и за Glamour таа открива што говори тоа за нивната личност.

Ременот го носите преку рамо и чантата ви е блиску до телото

Вие сте практични луѓе и имате точно дефинирани цели.

Според Хендрикс на овој начин дамата покажува дека му дава приоритет на движењето наместо на изгледот.

Таа не сака да се покажува, туку само да ги заврши работите. Ова особено доаѓа уште повеќе до израз, ако сакате да носите помали чанти.

Ременот ви е преку рамо, а чантата се мавта слободно

Ако ја носите чантата на овој начин тоа покажува дека им давате приоритет на комфорот и на функционалноста пред изгледот.

Ако чантата е закопчана, уредно наместена и во предниот дел од телото можеби би му овозможило на случајниот минувач да види каков бренд, форма и каква боја е чантата, но тоа нема да биде практично.

Ременот го носите преку телото со чантата во предниот дел од телото

Тоа што акцесоарот го ставате пред себеси често може да ви служи и како еден вид оклоп.

Овој начин на носење на чантата често укажува на личност што е повнимателна, поповлечена или срамежлива. Според Хендрикс често може да ги видиме познатите како ја носат чантата на овој начин додека се обидуваат да им избегаат на несаканите фотографи.

Ременот го носите преку телото со чантата во задниот дел од телото

Ваквиот начин на носење на чантата надополнет и со големата самоувереност укажува на „урбан воин со точно определени цели“.

Начинот на носењето на чантата соодветствува со нејзиниот имиџ на независна личност, а модниот додаток е избран само поради една цел – функционалноста.

Јасно, не можеме ниту да ја видиме чантата за да одредиме од кој бренд или стил е.

Ременот го носите околу зглобот на раката

Кога некоја дама ја носи чантата на овој начин тоа укажува дека таа дава предност на статусот и позицијата.

На овој начин, практично во целост исклучувате од употреба еден екстремитет за да носите чанта (голема), а со тоа им упатувате порака на останатите дека не ви се потребни двете раце за да се движите.

На овој начин најлесно може да се види брендот и стилот на чантата што ја носите, па на тој начин го покажувате сопствениот статус.

Ја носите во рака

Некои чанти се толку многу мали што немате друга опција, но што ако имате поголем број опции да ја носите чантата, а сепак се одлучувате за овој начин.

Тоа на некој начин наликува на носење актовка и ја нагласува важноста на нејзината работа.

Кога познатите личности го прават ова, тие сакаат да нѐ потсетат дека се многу повеќе од „некоја личност“ што само носи убава облека на црвениот тепих.

Без чанта

Тоа што не носите чанта често укажува на статус каде другите ги вршат вашите секојдневни работи, како раководењето на финансиите и распоредот.

Станува збор за личност што е мошне самоуверена и што во целост се потпира на нејзините вработени.

Таков е случајот со Ким Кардашијан, на пример, која нема потреба од тоа да носи чанта.

Б. С. Б. | Црнобело/ фото: Freepik