Заглавени гондоли, страв од суша – каналите во Венеција останаа без вода (фото+видео)

Детали

четврток, 23 февруари 2023

Поради намалените врнежи од снег кои се резултат на климатските промени, каналите во Венеција останаа без вода, а властите се загрижени дека сушата од минатото лето ќе се повтори и годинава.

Во Венеција обично има проблем се поплавите, но сега италијанскиот град се соочува со суша, поради што каналите се без вода.

Според CNN, постои загриженост дека летово цела Италија ќе се соочи со суша поради сувата зима. Односно, оваа зима на Алпите имало значително помалку врнежи од снег, а ова може да се одрази лошо во летната сезона.

#Venice is getting dryer 😅 pic.twitter.com/bvdBjrBGM7

— Just videos (@just_vid3os) February 21, 2023

Истовремено, во многу области во Италија нивото на вода во реките и езерата е значително намалено.

Проблемот со пресушените канали, пак, наводно е предизвикан и од неколку други фактори, како недостаток од дожд, но и полната Месечина која има влијание врз плимата и осеката.

😱Canals in #Venice have dried up.The water level has dropped in 150 of them. The reason, according to Bloomberg, is the high tides & lack of rain.
There are problems with the operation of water taxis,city #emergency services.#news #world #future#WayOut ➡️ #CreativeSociety pic.twitter.com/TZOfW1cFEY

— Vitalina (@Vitalina_CS) February 21, 2023

Ниското ниво на вода во каналите може да предизвика и многу проблеми во популарниот италијански град.

На пример, огромен број од градбите имаат столбови од дрво кои обично се под вода. Ако се изложени на воздух подолго време, како сега, дрвото може да се оштети.

За потсетување, минатото лето Италија се соочи со најлошата суша во последните 70 години, па сега постои загриженост дека истото ќе се случи и летово.

Како изгледаат пресушените канали во Венеција?

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело