Висок е само 94cm, како мал боледувал од рахитис – Кој е Абду Розик, противникот на Хасбула?
- Детали
- сабота, 25 февруари 2023
Тој е најмалиот музичар и професионален боксер во светот. Се прослави по дуелот што го имаше со Хасбула Мохамедов, познат и како Мини Хабиб, но Абду Розик од Таџикистан е помал за неколку сантиметри од неговиот противник. Кој е Абду Розик?
Абду Розик по потекло е од Таџикистан, а роден е во 2003-та година во селцето Гишдарва.
Неговиот татко бил градинар, а семејството било многу сиромашно, па кога Абду на 4-годишна возраст добил рахитис, тие немале доволно пари за да го лекуваат.
Како резултат на недостатокот на медицинска нега, кај Абду се намалува лачењето на хормонот за раст, заради што тој денес има џуџест раст.
Абду денес има 19 години, висок e само 94cm, а тежи околу 13kg.
Таџикистанскиот музичар првото обрзование го добил во домашни услови, затоа што училиштата не сакале да го примат сметајќи дека тој е многу мал.
За првпат почнал да посетува настава на возраст од 12 години, а откако се здобил со диплома од средно образование, се запишал и на локалниот колеџ.
Абду стана славен благодарение на социјалните мрежи. Тој сака да пее рап песни на родниот таџикистански јазик, a неговите видеа почнале брзо да се споделуваат на социјалните мрежи.
Абду го привлекол вниманието на тамошниот блогер и рапер Барон кој го убедил семејството на Абду да го пушти во градот Душанбе за да стане пејач.
Раперот дури платил и за лекувањето на малиот колега, кој успеал да порасне неколку сантиметри.
Со оглед на тоа што немал доволно пари за да си обезбеди пристоен живот на почетокот на кариерата, Абду го прифаќа предизвикот на Хасбула Мохамедов за ММА борба и видеото од нивната прес конференција, каде и двајцата беа подготвени да почнат да се тепаат, стана вирален хит.
Оваа борба беше назначена како „неетичка“ од надлежните органи и затоа беше откажана, но по таа прес конференција, Абду и Хасбула стекнаа светска слава. Тие двајца денес се едни од најпознатите личности со џуџест раст во светот.
Погледнете повеќе фотографии од Абду во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
