Раскинал свршувачка со манекенка за да биде со принцезата Дијана, беа во врска само 3 месеци – Факти за Доди ал Фајед

Се верува дека Дијана и Доди се запознале на поло натпревар во 1986-та година, додека принцезата сѐ уште беше во брак со Чарлс, а повторно се сретнале 11 години подоцна во 1997-ма година, кога Дијана беше на одмор на имотот на неговиот татко во Сен Тропе, заедно со принцовите Вилијам и Хари.

Доди по професија беше филмски продуцент и неговиот потпис стои на филмовите The Scarlet Letter и Hook. Тој бил продуцент и на филмот Chariots of Fire кој доби Оскар за најдобар филм во 1982-ра година.

Во моментот кога ја започнаa врската Доди беше свршен со манекенката Кели Фишер, но ѝ раскина за да биде со Дијана. Кели воопшто не беше задоволна заради раскинувањето, па дури и го тужеше за емотивната болка што ѝ ја нанел.

Таа тврдеше дека тој дури ѝ рекол да почне да го уредува нивниот заеднички дом, а за врската на Доди со Дијана дознала од медиумите откако ги видела нивните заеднички фотографии.

Се шпекулираше дека Дијана и Доди биле мошне сериозни во врската, па дека тој дури купил и дијамантски прстен за неа во Монако, но немаше докази дека тие биле свршени.

Доди и Дијана загинаа заедно на 31-ви август кога со автомобилот удрија во столб во тунел во Париз, додека бегале од папараци. Дијана не починала веднаш, туку неколку часа подоцна, а Доди го загубил животот веднаш по несреќата.

По смртта на Доди и Дијана, татко му Мухамед јавно го обвини кралското семејство дека го нарачале убиството, но потоа ја прифати пресудата дека тие трагично загинале заради небезбедниот начин на возење на нивниот возач кој бегал од папараците.

Прочитајте и Кое е ветувањето што Вилијам ѝ го дал на мајка му Дијана, но никогаш нема да може да го исполни?

Б. С. Б. | Црнобело