Близначиња се родија со 15 минути разлика, во различни години – едното во 2021, другото во 2022

Детали

понеделник, 03 јануари 2022

Поради тоа што овие две близначиња се родиле со 15-минути разлика меѓу нив, сега на изводите им пишува дека се родени во различни денови и години. Првото е родено во 2021-ва година, а второто во 2022-ра.

Фатима Мадригал и Роберт Трухиљо го добиле нивниот син Алфредо на 31-ви декември во 23 и 45 минути во 2021-ва година, а ќерката Ајлин се родила веднаш по полноќ во 2022-ра година.

Поради ова на близначињата им пишува во изводите дека се родени во различни години.

Алфредо е последното дете што се родило во старата година, а неговата сестра Ајлин е првороденото бебе во болницата Нативидад, во Монтереј Калифорнија.

„Навистина е лудо тоа што се близнаци, а имаат различни родендени. Навистина бев изненадена и среќна што таа се роди на полноќ“ – вели мајката на бебињата Фатима.

Во САД, според пишувањата во тамошните медиуми, секоја година се раѓаат околу 120.000 близначиња, но мошне ретко се случува тие да се родат во различни денови.

Процената за можноста тоа да се случи се околу 1 во 2 милиони.

Инаку, освен близначињата, Фатима и Роберт имаат уште три други деца: две ќерки и син, што со нетрпение очекуваат да ги запознаат новите членови во семејството.

Б. С. Б. | Црнобело