Над 30.000 лица заглавени во Дизниленд парк – Се тестираат за ковид додека трае огнометот (видео)

Детали

понеделник, 01 ноември 2021

Посетителите на Дизниленд паркот во Шангај за овој Halloween имаа неповторливо искуство. Над 30.000 лица имаа можност да го следат огнометот во паркот, додека се тестираа за ковид.

Над 30.000 луѓе останаа заглавени во Дизниленд паркот во Шангај за време на Halloween откако едно лице се покажа како позитивно на ковид 19.

Вкупно 34.000 лица, посетители и вработени во паркот мораа прво да бидат тестирани пред да можат да го напуштат паркот.

На социјалните мрежи се споделуваат видеа од масовното тестирање што било спроведено врз сите присутни лица пред да им дозволат да го напуштат паркот.

What a combination of #DisneylandShanghai, #COVID nucleic acid tests, & #Halloween fireworks! pic.twitter.com/lAlWpTCPk2

— Victoria Ruan (@RuanVictoria) October 31, 2021

Како што пренесуваат тамошните медиуми паркот бил затворен во неделата вечерта, веднаш откако бил откриен позитивниот случај, а понатаму ќе остане затворен и во понеделник и вторник (01. и 02.10).

За среќа, кај ниту еден од присутните не биле откриени нови заболувања, но ним им се препорачува да направат уште еден тест по 24 часа.

Погледнете во видеото како изгледаше Halloween во Шангај:

 Б. С. Б. | Црнобело