Потегот со кој принцот Хари несвесно покажа дека Меган Маркл ја има водечката улога и се гордее со неа

Детали

понеделник, 27 септември 2021

Очите и говорот на телото не лажат. Принцот Хари е горд на сопствената сопруга и покажа дека таа го има главниот збор, според експертите за говор на телото.

По подолга пауза принцот Хари (37) и Меган Маркл (40) во саботата (25.09) имаа заеднички јавен настап на Global Citizen Live, а за време на говорот, Хари покажа дека навистина се гордее со неа и дека таа е роден лидер, барем според експертите за говор на телото.

Како што пренесува Daily Mail, експертот за говор на телото Џуди Џејмс, потенцира дека за време на настапот на Меган Маркл, принцот Хари покажал дека ѝ го отстапува главниот збор на сопругата и дека секогаш ѝ дава предност на неа.

Според неа, принцот Хари не настапува сам, туку тој дава до знаење дека тие двајцата настапуваат заедно како моќен и влијателен пар, а тоа е забележително за цело време додека трае нивната посета на Њујорк.

Тие се појавиле на сцената заедно, но секој од нив имал засебен микрофон и двајцата имале одвоени говори.

„Во неговиот поглед кон Меган може да се открие дека тој е горд на неа, но забележително е дека има одредени ритуали што ги прави кога е вознемирен, како допирање на облеката и вртење на прстите.

Меган конечно исплива од под покривката и тие двајцата ги одржаа сопствените говори во индивидуални стилови“ – вели Џејмс.

Освен тоа што Хари ѝ ја отстапи водечката позиција на Меган, забележително е и дека на сцената парот продолжува да разменува нежности како и секогаш, со држење за рака и прегратки, проследени со силен аплауз.

„Реакцијата на публиката се чини дека направи Меган и Хари да се стопат, да се погледнуваат. Тој ја стави раката околу Меган додека таа се наведна на неговото рамо и двајцата покажуваа вљубени изрази на лицето“ – вели Џејмс.

Global Citizen Live беше 24-часовен глобален настан, што имаше за цел да го обедини светот во борбата против сиромаштијата. 

Хари и Меган се појавија на сцената на Wokestock во Централ Пaрк, Њујорк и ги повикаа сите да се вклучат во борбата против ковид.

На настанот освен популарниот „кралски“ пар, се појавија и Џенифер Лопез, Били Ајлиш и Колдплеј.

Б. С. Б. | Црнобело